Kóne farfor qupııasy

Kórme qytaı farfory ónerin jan-jaqty kór­se­tip, onyń tarıhy men stıli jaıly syr shertedi. Alýan tús­pen kómkerilgen órnekter qu­myralar men tostaǵandardyń shynaıy sheberler qolynan shyqqan baǵaly jádi­ger eke­nin aıǵaqtap tur. Ásem far­forlardaǵy bire­geı qoltańba ǵasyrlar boıy urpaqtan-urpaq­qa berilip kele jatqan biregeı ádisterdiń ózegi tárizdi. Kórme qonaqtary «Álemniń farfor astanasy» atanǵan ejelgi Szındechjen shaharynyń tynysymen tanysyp, qytaı eliniń mádenı muralary týraly mol maǵlumat aldy.

«О́ner ultqa bólinbeıdi. Ol – shekarasy joq sheksiz álem. О́mir súrý salty, tanym-túsinigi bir-birimen múlde qabyspaı­tyn halyqtar óner men mádenıet arqyly jaqyndasady. Sol ar­qy­ly yntymaqtastyq orna­ta­­dy. Qytaı farfory kór­kem­­dik beınesimen jáne ón­di­­ristik tehnologııasynyń jo­ǵa­­rylyǵymen tanymal. Mý­zeı­de ótip jatqan farfor óneri kórmesi «Bir beldeý, bir jol» bastamasy aıasynda Qazaqstan men Qytaı arasyndaǵy máde­nıet jáne óner salasyndaǵy yntymaqtastyqty odan ári ilge­riletýge, dostyq baılanystar men yntymaqtastyqty damytýǵa baǵyttal­ǵan», deıdi elimizdiń Memlekettik ortalyq mýzeıiniń dırektory Rashıda Harıpova.

Biregeı óner jár­meńkesin Almaty qala­synyń saýda jáne ınvestısııa palatasy men Qytaı keramıkalyq saıahatyn uıymdastyrý komıteti birlese uıymdastyrǵan. Tarıhı derekterge kóz júgirtsek, Szıansı provınsııasynda ornalasqan Szındechjen álemdik qysh ónerimen tanylyp, myńjyldyq farfor jasaý mádenıetinde baı tarıhqa ıe. Shahardaǵy farfor ortalyǵy ataqty Tań áýletine (b.z. 618–907) tıesili. О́nertanýshylardyń aıtýynsha, farfor jasaý shyn máninde Sýn áýleti (960–1279) kezinde óristegen. Ol tusta ımperator saraıyna joǵary sapaly farfor jetkizýmen aınalysqan sheberler álemge tanylypty.

Kórme qonaqtary qytaı farforynyń tarıhyn, jasalý ádisi men halyqtyń máde­nı kózqarasyn tereńirek túsi­ný­ge, sondaı-aq dástúrli qytaı mádenıetiniń erekshelikte­rin sezinýge múmkindik aldy. So­ny­men qatar kórme eki eldiń sýretshileri, qysh sheberleri men ǵalymdary arasynda oı-pikir jáne tájirıbe almasý múmkindigin qamtamasyz etip otyr. О́ner jármeńkesi tamyz aıynyń ortasyna deıin jalǵasyn tappaq.

ALMATY