Gonkongtegi robottehnıka chempıonatynda el namysyn qorǵaǵan «Aldebara» komandasy bedeldi «Team Model Award» syılyǵyn jeńip aldy. Bul baıqaýǵa 45 elden 210 komanda qatysqan. Oqýshylar ǵylymı jobasyn ónerdegi jańashyldyq taqyryby boıynsha usyndy. Iаǵnı joba mýzeıler men kórmelerde yńǵaıly ári qarapaıym qozǵalys úshin jasalǵan qosymsha retinde tanystyryldy.
Komanda jetekshisi Balǵyn Isaqojanyń aıtýynsha, atalǵan jarysqa daıyndyq ótken jyldyń mamyr aıynan bastalǵan.
«Oqýshylar áýeli irikteýden ótti. Olardyń bári de 3,4-synypta oqıdy. Keıin halyqaralyq saıysqa joldamany «Central Asia FIRST Championship» chempıonatynda jeńip aldyq. Shákirtterimiz úmitti aqtap, elge jeńispen oralǵanymyzǵa qýanyshtymyz», dedi ol.
Al Ońtústik Koreıanyń Tedjon qalasynda ótken «11th International youth robotic competition» saıysyna álemniń 20 elinen myńnan asa oqýshy qatysqan. Nurken Qaıypov sol myń oqýshynyń ishinen qara úzip, Gran-prı syılyǵyn jeńip aldy. Ol jarysta «Ormandy qutqarý» (13-18 jas) sanatynda basqa qatysýshylarǵa qaraǵanda óz baǵdarlamasyn jyldam ári sapaly jasap shyqqan.
«Men robottehnıkamen bes jyldan beri aınalysamyn. Bul halyqaralyq jarysty álbette, qatty ýaıymdadym. Biraq bári oıdaǵydaı ótti. Maǵan Koreıa unady. Bolashaq mamandyǵym robottehnıka jáne IT - tehnologııamen baılanysty bolǵandyqtan, Koreıa memleketiniń joǵary oqý ornyna túskim keledi. Zor qoldaýyn bildirgen jattyqtyrýshym men ata-anama alǵysymdy aıtamyn», dedi ol.
Aıta keteıik, Nurken osy saıystyń aldynda ǵana Sankt-Peterbýrgte ótken robottehnıka jáne sıfrlyq tehnologııalar boıynsha «DETALKA-2024» baıqaýynda jeńimpaz atanǵan edi.
