«Mereıli otbasy»

Bir áýletten 51 adam daýys berdi

Túrkistan, aqyn Maǵjan aıt­qandaı «er túriktiń besigi», barlyq musylman qaýym úshin eń qasıetti mekenderdiń biri. Keshe ǵana Túrkııanyń Prezıdenti Redjep Taıyp Erdoǵan: «Qaıda júrsek te Qoja Ahmet Iаsaýı jatqan jer biz úshin eshkimge qımasymyz, asyl Otanymyz», dep ketti. Sol Túrkistan Prezıdent saılaýyn uıymshyldyqpen ótkizdi. Túr­­kistandaǵy 118216 saılaýshy qalaǵa qarasty 12 aýyldaǵy 36 já­ne sha­hardyń ózindegi 37 saılaý ýchas­kelerine baryp tańdaýlaryn jasady. Jıyrma jasynda jasyndaı jarqyraǵan sport padıshasy, Olım­pııa oıyndarynyń jeńim­pazy atanǵan Bekzat Sattarhanov týǵan óńirdegi respýblıkaǵa áı­gili ot­basy­lardyń biri – ótken jyly «Mereıli otbasy» ulttyq konkýrsynyń jeńimpazy atanǵan Bımahanbetovter áýleti. Otaǵasy Eltaı atamyz 83 jasta. Qosaǵy Elena ájemiz ekeýi 8 bala, 33 nemere, 15 shóbere ósirip, órken jaıǵan alyp báıterekke aınalǵan. О́z ómirinde 68 ret saılaýǵa ke­lip otyrǵan aqsaqaldyń kóńil-kúıi jaqsy, rýhy asqaq. Ol: «Meniń eki nemerem, eki shóberem kámelettik jasqa tolyp, alǵash ret daýys berdi. Otbasymyzben aqyldasyp, kimge daýys beretinimizdi sheshkenbiz. Áıtse de, eshkimniń tańdaýyna qarsy bolmaımyn. О́ıtkeni, ol onyń konstıtýsııalyq quqyǵy. Qaı úmitkerge daýys berse de Qazaqstannyń bolashaǵy úshin jaý­apty bolatyn, halyqtyń yrysyn tasytatyn, elge beıbitshilik pen tatýlyq, birlik ákelýge múmkindigi mol azamatqa daýys bererine senemin. Qýanyp turyp aıtarym, osy saılaýda bizdiń áýletten 51 adam daýys berip jatyr», dedi. Úlken áýlettiń saıaly báıte­regine aınalǵan aqsaqaldyń qýa­nyshy bul ǵana emes eken. «Saı­laý kúni áýletke taǵy bir shaqa­laq keldi, qyz bala álemniń jaryq esigin ashty!» dep qarııa qýanyshymen bólisti. Endi Eltaı aǵamyzdyń 34 ne­meresi bar. «Mereıli otbasy» ulttyq baı­qaýynda júzden júırik, myńnan tul­par shyqqan Bımahanbetovter áýleti bir kúnd­e eki birdeı qýa­nysh­qa ıe bol­dy. Baqtııar TAIJAN, «Egemen Qazaqstan». Ońtústik Qazaqstan oblysy.