Foto: Úkimet
«Úkimet ekonomıkalyq patrıotızm qaǵıdatyn qatań ustanatyn bolady. Biz qashanda otandyq óndirýshini qoldaımyz. Bul – árbir ákimniń, árbir salalyq mınıstrdiń mindeti. Ol tek sóz júzinde ǵana emes, naqty is júzinde oryndalýǵa tıis. Importty almastyrý jumystaryn, onyń ishinde ofteık-kelisimsharttar arqyly jandandyra túsý qajet. Bul otandyq kompanııalarǵa ózderin aldaǵy birneshe jyldar boıyna tapsyrystarmen qamtamasyz etýge, jańa óndiristerdi keńeıtýge jáne ıgerýge múmkindik beredi», dedi Úkimet basshysy.
Sonymen qatar Premer-mınıstr qazir kóptegen elder, tipti ekonomıkasy joǵary damyǵan elder de ózderiniń ishki naryǵyn qoldaý jáne qorǵaý saıasatyn belsendi túrde júrgizip jatqanyn atap ótti.
«Memleket basshysy úsh jyl ishinde jer qoınaýyn paıdalanýshylardyń, kvazımemlekettik jáne memlekettik sektorlardyń satyp alýyndaǵy qazaqstandyq taýarlar men qyzmetterdiń 60 paıyzdyq úlesin qamtamasyz etýdi tapsyrdy. Olardyń iskerlik belsendiligi otandyq óndiristi damytýdyń úlken rezervi», dedi Oljas Bektenov.
Buǵan deıin, Úkimet basshysy ishki naryqty qorǵaý úshin otandyq taýar óndirýshilerdiń tizimi jasalatynyn málimdegen edi.
