Foto: gov.kz
Tekserý nátıjesinde ǵımarattyń fızıkalyq tozýy 54,4 paıyz bolyp baǵalandy.
Astana qalasy Bilim basqarmasy osy mekteptiń oqýshylary jańa oqý jylynda jaqyn mańdaǵy Qarasaı batyr kóshesi, 10 mekenjaıynda ornalasqan № 36 mektepte oqıtynyn habarlady. Bul mektep 2023 jyldyń jeltoqsanynda paıdalanýǵa berilgen. Mektep eki aýysymda 2400 oqýshyǵa arnalǵan.
«№ 36 mektep ákimshiligimen synyptardy ornalastyrý, oqý kabınetterin bólý boıynsha barlyq uıymdastyrý máseleleri sheshildi, balalardy qabyldaý kezinde mektep ǵımaratyna kirý jáne oqýshylardyń tamaqtanýyn uıymdastyrý máselesi anyqtaldy», delingen ákimdik habarlamasynda.
Al №25 orta mekteptiń aýmaǵynda oqý prosesin uıymdastyrýdyń barlyq zamanaýı talaptary eskeriletin jańa mektep salynady. Búgingi tańda jańa mektepti jobalaý jáne jobany jergilikti jerge baılanystyrý jumystary bastalǵan.
