Foto: gov.kz
«Inchhon – Astana» baǵytyndaǵy áýe reısi ushyp kelgennen keıin elorda áýejaıyndaǵy jelilik polısııa bóliminiń qyzmetkerleri quqyq buzǵan jolaýshy áıeldi anyqtap, ustaǵan.
«Tekserý barysynda Reseı Federasııasynyń 49 jastaǵy azamatshasy áýe kemesiniń dárethanasynda temeki shekkeni anyqtaldy. Sheteldik áıel áýe kemesiniń bortynda temeki ónimderin tutynǵany úshin ákimshilik jaýapkershilikke tartylyp, oǵan 50 AEK (184 600 teńge) mólsherinde aıyppul salyndy», delingen habarlamada.
Sonymen qatar, Kóliktegi polısııa departamenti qyzmetkerlerimen jyl basynan beri túrli ákimshilik quqyq buzýshylyqtar jasaǵany úshin áýe kemesinen 351 azamat túsirgeni belgili boldy. Onyń ishinde qoǵamdyq oryndarǵa masań kúıinde kelgeni úshin – 173, ushaq bortynda temeki shekkeni úshin – 136, usaq buzaqylyq jasaǵany úshin – 19 adam bolǵan.
