Oqýshylar ýlanyp qaldy

Keshe jergilikti ýaqytpen 13 saǵat 12 mınýtta Atyraý qalasyna taıaý ornalasqan Jumysker eldi mekenindegi Isataı Taımanov atyndaǵy mektepte oqıtyn oqý­shylardyń bir toby, dálirek aıtqanda, 21 shákirt ózderin nashar sezingendikterine shaǵym bildirgen. Keıin anyqtalǵandaı olardyń barlyǵy belgisiz zattan ýlanǵan. Shuǵyl habar alysymen atal­ǵan mektepke «jedel járdem» qyzmetiniń 3 brıgadasy dereý attanyp, ýlanǵan oqýshylardyń barlyǵyn oblystyq balalar aýrýhanasyna jetkizdi. Mundaǵy dárigerler ázirge anyqtala qoımaǵan, belgisiz zattan ýlanǵan 21 oqýshynyń barlyǵyn aýrýhanada qaldyrý jóninde sheshim qabyldady. Olardyń barlyǵyna medısınalyq kómek kórsetilip, saqtandyrý sharalary qolǵa alyndy. Jansaqtaý bólimine eshkim jatqyzylǵan joq. Osy oqıǵaǵa oraı aýrýhanaǵa oblys ákimi Baqtyqoja Izmu­hambetov arnaıy baryp, jaǵ­daımen qanyqty. Quzyrly organdarǵa oqıǵa sebebin anyq­taýdy tapsyryp, syrqattarǵa tolyq em jasaýdy mindettedi dep habarlady oblys ákiminiń baspasóz qyzmeti. Qazirgi kezde ýlanǵan oqýshylardyń barlyǵy dárigerlerdiń jiti baqylaýynda. Joldasbek ShО́PEǴUL, «Egemen Qazaqstan». Atyraý oblysy.