Abaı oqyǵan Sáıhalı

Buqar jyraý atyndaǵy áde­bıet jáne óner mýzeıinde shaıyr Sabyr Sáı­ha­lıdiń 1905 jyly Qazan qala­synda arab grafıkasynda ja­ryq kór­gen kóne kitaby ta­nys­tyryl­dy. Kitapty qu­ras­tyrǵan – Ismaıl Sham­sý­dınov, ataýy – «Dıýanı Sáı­halı». 296 betten turatyn kitapta dinı-tarıhı uzaq jyr jazylǵan. Dúnıeniń jaralýy­nan bastap 680 jyl­ǵy Husaıynnyń Kerbala shólinde soǵysyp ólgenine deıingi tarıh qamtylǵan.

Sabyr Sáıhalıdiń esimi Abaı óleńinde atalady.

«Fzýlı, Shamsı, Sáıhalı,

Naýaı, Saǵdı, Fırdaýsı,

Qoja Hafız bý hamması,

Mádet ber, ıá, shaǵırı [1] farııad [2]».

Belgilengen sózderdiń túsi­nigi kelesideı:

[1] - Shaǵırı (arabsha) – aqyn. [2] - Fárııad (parsysha) – teńdesi joq, asyl.

Demek Abaı Qunanbaıuly Shyǵystyń teńdesi joq aqyn­darynan medet suraǵan bolsa, sol súıenishiniń biri – Sáıhalı aqyn.

Ǵalamtordaǵy ýıkıpedııa málimetterine súıensek, Sabyr Sáıhalı – XV ǵasyrda ómir súrgen aqyn. «Dıýanı Sáıhalı» kitaby 1332 jyly Tashkentte, keıin Qazan men Ystanbul qalalaryndaǵy bas­padan shyqqan.

Bul kitaptyń birneshe nus­qasy Almaty qalasyndaǵy Ult­tyq kitaphanada saqtalsa, taǵy bir nusqasy Abaı obly­syndaǵy Abaı mýzeıin­de tur eken. Abaı mýzeıi­ne Qaıym Muhamedhanov tapsyrǵan.

Kerekýdegi jádigerdi Pav­lodar qalasynyń tur­ǵyny Qalıpa Úkenqyzy tabystady.

Pavlodar oblysy