Foto:©El.kz/Arman MUHATOV
CTS baspasóz qyzmetiniń habarlaýynsha, Dostyq kóshesindegi jóndeý jumystaryna baılanysty Qabanbaı batyr dańǵyly baǵytyndaǵy «Baǵlanova atyndaǵy Qazaqkonsert», «Qorǵanys mınıstriligi» aıaldamalary men «Kerýen» saýda ortalyǵyna baratyn joldar ýaqytsha jabyldy. № 18, 28, 30, 32, 40, 46, 50, 51, 56, 60 marshrýttary atalǵan aıaldamalarǵa ýaqytsha toqtamaıdy.
Sonymen qatar Dostyq kóshesiniń boıyndaǵy «Ábý Nasyr ál-Farabı» meshitiniń aıaldama pýnktine ótetin jol da jabylǵan. Osyǵan baılanysty № 30, 32, 40, 46, 51, 56 marshrýttary ýaqytsha jolaýshylardy otyrǵyzbaıdy jáne túsirmeıdi.
Aıta keteıik, jóndeý jumystarynyń aıaqtalý merzimi áli naqtylanǵan joq. Qala turǵyndary men qonaqtarynan resmı saıttar men áleýmettik jelilerdegi jańalyqtardy qadaǵalap otyrý usynylady.
