ATYRAÝ. 23 qańtar. Atyraý oblystyq sotynda tarıhı jádigerlik murajaı ashyldy. Bul týraly egemen.kz tilshisi habarlady.
Murajaıǵa bıler tóreligi kezeńnen bergi zańdylyqtyń qalyptasýynan syr shertetin jádigerler molynan qoılyǵan. Mundaǵy eń qundy jádigerdiń biri retinde Ábilhaıyr hannyń 1731 jyly Reseı ımperatory Anna Ioannovnaǵa arnap jazǵan hatyn aıtýǵa bolady. Hannyń haty jazylǵannan beri biraz jyl ótse de qujattyń saqtalýynda min joq. Sonymen birge, murajaıǵa ózge qujattar, jarlyqtar men qylmystyq isterdiń jazbasy qoıylǵan. Murajaıdan jyldary jumys jasaǵan sýdıalardyń kıimderi men tós belgilerin, mórleri men basqa tutynǵan zattaryn kórýge bolady. Eski fotosýretter, sııa saýyt pen patefon, dıskili telefon men terý mashınkasy, Samsung markaly alǵashqy kompıýter atalǵan murajaıdyń qundy jádigerine aınalǵan.
«Sot bıliginiń tarıhymen kez kelgen adam tanysa alady», deıdi Atyraý oblystyq sotynyń baspasóz hatshysy Boranbaı Ǵalıev.
Joldasbek Shópeǵul.
Derek, sýret: egemen.kz.
