Jastardyń bastamasy qoldaý tappaq

Is-sharaǵa Prezıdent Ákim­shiligi, Mádenıet jáne aqparat mınıstrligi, Eýropa Keńesi, eý­ro­palyq jastar kartochkalyq qaýymdastyǵynyń ókilderi, son­daı-aq respýblıkalyq jas­tar uıymdarynyń músheleri qatysty.

Kezdesý barysynda Qazaq­stannyń azamattyq sektory men Eýropa Keńesiniń jastar saıasaty salasyndaǵy birlesken jobalary talqylandy. Atap aıtqanda, birqatar otandyq ǴО́B eýropalyq jastar kartasy qaýymdastyǵymen bel­sendi yntymaqtastyqqa daıyn ekendigi sóz boldy. Bul serik­tes­tik jastarynyń júrip-turýyna, ornalasýǵa, mádenıet nysandaryna barýǵa, tildik kýrs­tardy, taýarlar men qyz­met­terdi paıdalaný kezinde aqparat alýǵa, shegerimder men jeńil­­dikter alýǵa múmkindik beredi.

Budan basqa, otandyq jáne eý­ropalyq jastardyń P2P oqytý, ıaǵnı ózara oqytý forma­tyndaǵy is-qımyly josparlanyp jatyr. Keleshekte mundaı áriptestik jastardyń bastamalaryn damytýǵa, áleý­mettik salany jaqsartýǵa, turaqty damýdy qoldaýǵa yqpal etedi.

Sonymen qatar Halyqara­lyq jastar kúnine arnalǵan kez­desýde Mádenıet jáne aq­pa­rat mınıstrligi jastar uıym­darynyń eń belsendi ókilderin marapattady.