Atyraýda oqýshylardyń neden ýlanǵany anyqtaldy

ATYRAÝ. 23 qańtar. Atyraý qalasyna taıaý ornalasqan «Jumysker» eldi mekenindegi I.Taımanov atyndaǵy mektep oqýshylarynyń neden ýlanǵany belgili boldy. Bul týraly egemen.kz tilshisi habarlady. Keshe, ıaǵnı, 22 qańtarda Atyraý qalasyna qarasty «Jumysker» kentindegi I.Taımanov atyndaǵy mekteptiń 21 oqýshysy men bir qyzmetkeri ýlaný dıagnozymen aýrýhanaǵa jatqyzylǵan bolatyn. Osyǵan oraı «Oqýshylardyń biri birinshi qabattaǵy kıim iletin bólmege gaz ballonynan búrkigen. Sonyń saldarynan joǵary synyptardyń 21oqýshysy men bir qyzmetkeri aerozoldyq gazǵa ýlaný belgisimen aýrýhanaǵa jetkizildi. Zardap shekkenderge der kezinde kómek kórsetildi. Jansaqtaý bólimine bir de bir oqýshy, bir de bir qyzmetker túsken joq. 22 qańtar kúni 18:00 saǵata 18 oqýshy aýrýhanadan shyǵaryldy. Úsh oqýshy ártúrli shaǵymmen  dárigerlerdiń qaraýynda qaldyryldy», dep habarlady oblys ákimdiginiń baspasóz qyzmeti. «Aldyn ala málimetter boıynsha, oqýshylardyń biri áýestikpen gaz ballonyn búrikkenin moınyna aldy», dedi Atyraý qalasy bilim bóliminiń jetekshisi Nursáýle Saılaýova. Atyraý oblysynyń ákimi Baqtyqoja Izmuhambetov oqıǵa ornyna, sonymen birge aýrýhanaǵa baryp, zardap shegýshilerdiń jaǵdaıymen tanysty. Jaýapty organdarǵa óńir oqýshylarynyń arasynda osyndaı óreskel oqıǵaǵa jol bermeýdiń aldyn alýdy tapsyrdy. Joldasbek Shópeǵul. Derek: egemen.kz. Sýret: i-news.kz.