Erke Esil jaǵasynda...

«Jastar kúnin merekeleý qurme­tine oraı «Jastarmen birge» ulttyq onkúndigi bekitildi, ol 3-12 tamyz ara­lyǵynda jalǵasty. Onkúndik aıasynda eko­logııalyq mádenıetti damytý, salamatty ómir saltyn nasıhattaý, eńbek­qorlyqty ilgeriletý, basqa da baǵyttar boıynsha birqatar is-shara uıymdastyryldy. Búgin jańa stý­dent­tik úıdiń ashylýy boldy, «Bos oryndar» jár­meńkesi ótti. Biz Halyqaralyq ­jastar kúnin ashyq aspan astyndaǵy ­konsert­pen aıaqtaǵymyz keledi. Jas­tar­ǵa mere­ke­lik kóńil kúı syılaı aldyq ­dep sene­miz», dedi S.Ibraev.

Onkúndik aıasynda Abaı shy­ǵar­ma­laryn oqý boıynsha baıqaý ót­ken bolatyn. Onyń erejesine saı, úmit­kerler Abaı óleńderin mánerlep oqyp, áleýmettik jelige júkteý kerek edi. Atalǵan mýzykalyq keshte osy baıqaý­da oza shapqan áriptesimiz – «Egemen Qazaqstan» gazetiniń tilshisi Bekzat Qulshar marapattaldy.

Kesh qonaqtaryna ánshiler Dastan Orazbe­kov, Izbasar Keńe­sov, Jeńis Ǵarıfol­la, Nýrık Barmaqov óner kórsetip, zor qoshemetke ıe boldy. Sondaı-aq vık­torınalyq suraqtar qo­ıy­lyp, ­50-ge jýyq adamǵa power bank, qulaqqap, mýzykalyq dınamık sııaqty birqatar syılyq berildi.

Halyqaralyq jas­tar kúnine oraı ótkizilgen mýzykalyq keshte Esil ózeni jaǵasyndaǵy Atyraý kópiri janynda Darkhan Juzz-ge arnal­ǵan art-nysan ashyldy. Oǵan joba bas­tamashysy, prodıýser Azat Ábiken jáne ánshiniń jankúıerleri qatys­ty. Oryndyqtyń dızaınyn tanymal kóshe sýretshileri Ǵalymjan Balsary men Batyrjan Sádýaqasov ázirlegen. Oryndyqta mýzykanttyń ómiri men shy­ǵarmashylyǵy týraly aqparat alýǵa bolatyn QR kody bar taqta qoıylǵan.