MARAPAT IELERINIŃ MÁRTEBESI О́STI

Parlament Májilisiniń Tóraǵasy Oral Muha­medja­nov­tyń jetekshiligimen ótken osy palatanyń sońǵy jalpy otyry­sy depýtattardy marapat­taýdan bastaldy. TMD Parlamen­tara­lyq Assambleıasynyń “Sodrý­jestvo” ordenimen Májilis depýtattary Uzaqqalı Eleýbaev, Satybaldy Ibragımov, Gúljan Qaraǵusova, Vladımır Neho­roshev jáne Kenjeǵalı Saǵa­dıev marapattaldy. Sondaı-aq TMD PAA Keńesiniń Qurmet gramo­tasyna Májilis depýtat­tary Beken Álimjanov, Berik Bek­janov, Qylyshbaı Bısenov jáne Ramazan Sárpekov ıe boldy. Depýtattardy marapat­tarymen quttyqtaımyz. “Egemen-aqparat”. HALYQARALYQ TÁJIRIBELER TAǴYLYMY Senattyń Qarjy jáne bıýdjet komıtetinde “Qazaqstan Respýb­lı­kasynyń keıbir zańna­malyq akti­lerine saqtandyrý máseleleri bo­ıynsha ózgerister men tolyq­tyrýlar engizý týra­ly” zań jobasy talqylandy, dep habarlady osy palatanyń baspa­sóz qyzmeti. Zań jobasy Qazaqstan Res­pýb­lıkasynyń Qarjy sektoryn 2007-2011 jyldary damytýǵa ba­ǵyttalǵan tujyrymdamasyn júze­ge asyrý aıasynda otandyq jáne halyqaralyq tájirıbeler eskerile otyryp ázirlengen bolatyn. Zań jobasynyń negizgi maq­saty ómirdi jınaqtyq saqtan­dyrýdy jáne saqtandyrý nary­ǵy ınfra­qurylymdaryn odan ári damytý sharalaryn qabyldaý, saq­tandyrý deldal­dyǵy qyzmeti­niń negizgi quqyqtaryn bekitý, saq­tandyrý statıstıkasynyń tolyq­qandy bazasyn qalyptas­tyrý arqy­ly tarıf saıasatynyń máse­lelerin sheshý bolyp tabylady. Zań jobasymen Azamattyq jáne Salyq kodeksterine, Ákim­shilik quqyq buzýshylyq týraly kodekske, sondaı-aq “Saqtan­dyrý qyzmeti týraly”, “Saq­tandyrý tólemderin kepildendirý qory týraly”, “Kólik quraldary ıe­lerin mindetti saqtandyrýdyń azamat­tyq-quqyqtyq jaýapker­shiligi týraly”, “Qarjy na­ryǵy men qarjy uıymdaryn memle­kettik retteý jáne qada­ǵalaý týra­ly” zań­darǵa túzetýler engiziletin bolady. Zań jobasy palatanyń qaraýyna jiberiletin boldy. KО́ShPELI OTYRYS KО́KJIEGI Májilistiń Ekonomıkalyq reforma jáne óńirlik damý komıtetiniń hatshysy Murat Ábenov bastaǵan kóshpeli otyrys Indýstrııa jáne jańa tehno­lo­gııalar mınıstrliginde ótkizildi. Aldymen palata depýtattary respýblıkalyq “Kazgeoınform” geologııalyq zertteý ortalyǵy men respýb­lıkalyq Etalon ortalyǵyna saıahat jasap, ju­mys­tarymen tanysty. Kóshpeli otyrys Etalon ortalyǵynyń otyrys zalynda jalǵasty. Onda Indýstrııa jáne jańa tehnologııalar mınıstri Áset Isekeshev pen Májilistiń Ekonomıkalyq reforma jáne óńirlik damý komıtetiniń hatshysy Murat Ábenov qysqasha sóz sóıledi. “KAZNEX INVEST” eksport pen ınvestısııalar boıynsha ulttyq agenttik” AQ basqarma tóraǵasy Erlan Arynov pen “Ulttyq ınnovasııalyq qor” AQ basqarma tóraǵasynyń birinshi orynbasary Áýelbek Toǵjanov baıandama jasady. Talqylaý men pikir alma­sýdan keıin Indýstrııa jáne jańa tehnologııalar mınıstriniń orynbasary Albert Raý qory­tyndy sóz sóıledi, dep habar­la­dy Májilistiń baspasóz qyzmeti.