Reseı men KHDR Koreıa birlesken iskerlik keńesin qurady

ASTANA. 23 qańtar. Reseı Federasııasy men KHDR ókilderi aldaǵy aptady iskerlik keńesin qurady. Bul týraly RF shyǵysty damytý mınıstrliginiń saıtyna súıengen «Argýmenty ı fakty» habarlady. Qıyr Shyǵysty damytý jónindegi mınıstr Aleksandr Galýshka osynyń aldynda Reseı kompanııalarynyń KHDR jerindegi jobalaryn júzege asyrýlaryna arnalǵan keńes ótkizdi. Jıynǵa Reseı syrtqy ister mınıstrligi men ekonomıkalyq damý mınıstrliginiń ókilderi, sondaı-aq Soltústik Koreıada jumys júrgizý josparlary bar kompanııalar basshylary qatysty. «Biz 2014 jyly osyǵan baılanysty óte qaýyrt jumystar jasadyq. Ol is júzinde daıyndyq kezeńi boldy. Biz úshin endi daıyndyq kezeńinen buryn qol jetken kelisimderge saı naqtyly isterge kóshýimiz kerek», - dep atap ótti mınıstr. Galýshka sondaı-aq bıznesmenderge Reseı Federasııasynyń KHDR-daǵy elshisi Aleksandr Masegorany tanystyrdy. «KHDR-daǵy árbir joba kún saıyn baqylaýda bolady. Elshilik tarapynan talap etiletin kez kelgen kómek kórsetiletin bolady», - dep sendirdi elshi. Murat Aıtqoja. Derek, sýret: Argýmenty ı fakty.