Memleket basshysyn tańdaý – ulttyń taǵdyryn aıqyndaý

О́z basym búgingi kúndi – halqymyz úshin, elimizdiń keleshegi úshin asa mańyzdy kún dep esepteımin. О́ıtkeni, Memleket basshysyn saılaý qashanda mańyzdy, jaýapkershiligi mol naýqan ekeni belgili. Baıqaǵanym, jurtshylyq bıylǵy saılaýǵa belsene qatysýda. Otbasymen, nemerelerin ertip, top-top bolyp kelip, daýys berip jatyr. Kórgen jannyń kózi toıǵandaı, bul da zor qýanysh. Eń bastysy, bul – halqymyzdyń saıası belsendiliginiń kórinisi. Halyq óziniń Elbasyn durys tańdaýymen ultynyń taǵdyryn aıqyndaıdy, otbasynyń amandyǵyn, urpaǵynyń baı-qýatty keleshek ómirine jol ashady. Táýelsizdik tańynan bergi elimizdiń turaqtylyǵy men ekonomıkalyq damý úrdisi bizdiń memleketimizdiń durys baǵytta kele jatqandyǵynyń aıqyn kórinisi. Osyǵan deıin jetken jetistikterimizdiń, alǵan asýlarymyzdyń barlyǵy Elbasynyń kóregen saıasatynyń arqasy dep bilemin. Al, aldymyzda atqarylar ister men alar asýlarymyz odan da zor. Osy maqsatty jolda biz tek Elbasymen birge jetetinimizge men senimdimin. Men halqymnyń baqytty ómir súrýi úshin otbasymmen birge Elbasy N.Á.Nazarbaevqa daýys berdik. N.Nazarbaev Qazaqstan halqy úshin altyn kópir salǵan, úlken alys joldarǵa mıýaly aǵash otyrǵyzǵan, shólde qudyq qazyp bergen ıman nurly ınsanı kámil. Ahmetjan ÁShIRI, jazýshy, Qazaqstannyń eńbek sińirgen qaıratkeri.