Sporttyń berer jemisi kóp

Sportpen aınalysqan janǵa, onyń berer paıdasy men jemisi bolary anyq. Osy oraıda men bul sózimniń shyndyqqa jaqyn ekenin sporttyń túrli salasynda ózin synap, álemdik deńgeıde esimin tanyta bilgen jan týraly aıta otyryp dáleldemekpin. Soltústik Qazaqstan oblysynda 1958 jyly týǵan Nuraly Qulyshev ómir esigin koksartroz degen aýrýmen ashty. Bul dert jambas súıeginiń zaqymdanýy sebebinen bolǵandyqtan, ol balalyq shaǵynda eki jyl aýrýhanada emdelip, ota jasatqan. Alaıda, ol II toptaǵy múgedek bolyp qalady. Sodan keıin, 1991 jyly Máskeý shaharynda keıipkerimizdiń sol aıaǵyna ota jasap, «Sıvashova» apparatyn saldyrtady. Al arada 21 jyl ótken soń Nuraly aǵa Reseıdiń Qorǵan qalasyna baryp, jambas jiligine Amerıkandyq endo protez saldyrady. Ol 1980-1991 jyldar aralyǵynda Aqtaý qalasyndaǵy atom-elektr stansasynda jumys istedi, keıinnen densaýlyǵyna baılanysty zeınetkerlikke shyqty. Endi keıipkerimizdiń jetken jetistikterine toqtalaıyq. Nuraly Qulyshev 1992 jyly «Múgedekterdiń dene shynyqtyrý jáne sport» federasııasyn ashty. 2005 jyldan beri «Múgedektik sport klýbynyń» dırektory qyzmetin atqaryp keledi. Qazaqstan Respýblıkasy ulttyq paralımpııalyq komıteti prezıdentiniń orynbasary ( 2003-2013 j). Sondaı-aq, ol voleıbol men jaǵajaı voleıbolynan Qazaqstan qurama komandasynyń aǵa aǵa jattyqtyrýshysy boldy. Otyryp oınaıtyn voleıboldan halyqaralyq dárejedegi sport sheberi, sýǵa júzýden jáne jeńil atletıkadan sport sheberi ataǵyn ıelengen. 2011 jylǵy VII qysqy Azııa oıyndaryndaǵy «Alaý estafetasyna» qatysqan Nuraly Qulyshevtyń jńip alǵan júldeleri de az emes. Máselen, ol Azııa oıyndarynyń eki dúrkin chempıony jáne kúmis júldegeri (Qytaı-1994j., Taıland-1999j., Ońtústik Koreıa-2002j.). Budan bólek, Qazaqstan chempıonatynyń otyryp oınaıtyn voleıboldan 11 dúrkin chempıony jáne eki dúrkin Qazaqstan Kýbogynyń ıegeri. Sondaı-aq, jeńil atletıkadan elimizdiń  birneshe jáne TMD elderi boıynsha  eki dúrkin jeńimpazy. Paralımpııalyq oıyndarǵa eki ret qatysqan (Atlanta /AQSh/-1996j., Sıdneı /Avstralııa/-2000j.) N.Qulyshev 2001 jyly Astana qalasynda ótken I paralımpııalyq oıyndardyń ashylý saltanatynda tý kóterý senimine ıe boldy. Kóptegen halyqaralyq týrnırlerdiń (Polsha, Ulybrıtanııa, Danııa. Fınlıandııa, Túrkııa, Reseı, Latvııa, Túrikmenstan) jeńimpazy jáne júldegeri atanǵan bizdiń keıipkerimiz óz isine laıyqty qurmettelip júrgenin de aıta keteıik. Ol múmkindigi shekteýli jandar arasynda sportty damytýdaǵy eńbegi úshin «Qazaqstan Respýblıkasynyń táýelsizdigine 10 jyl» jáne «Mańǵystaý oblysyna 35 jáne 40 jyl» mereıtoı medaldarymen marapattaldy. Joǵary sporttyq kórsetkishteri úshin birneshe ret «Jyl sportshysy», «Jyl jattyqtyrýshysy» nomınasııasynyń ıegeri boldy. Buǵan qosa, «Qazaqstan Respýblıkasy dene shynyqtyrý jáne sport qurmetti qyzmetkeri» belgisiniń ıegeri. N.Qulyshev birneshe ret Ulttyq paralımpııalyq komıtettiń, qala jáne oblys ákimderiniń tarapynan marapattaldy. Aıta keteıik, ótken jyly Elbasymyzdyń qoldaýymen tuńǵysh ret ótkizilgen «Mereıli otbasy» respýblıkalyq ulttyq baıqaýyna Nuraly Qulyshevtiń otbasy qatysyp, Mańǵystaý oblysy boıynsha birinshi oryn aldy. Ol sol joly Prezıdenttiń qolynan «Nıva» temirtulparynyń kiltin alyp, mereıi bir sharyqtap qalǵan. Keıipkerimizdiń bolashaqtaǵy basty qalaýy – ózi turyp jatqan oblysy boıynsha arnaıy múmkindigi shekteýli jandarǵa arnalǵan sport ǵımaratyn turǵyzý jáne ózi jattyqtyryp júrgen shákirtteriniń paralımpıadalyq jarystarda tabysty óner kórsetýine jaǵdaı jasaý. Nurken Bektasov. Shákárim atyndaǵy SMÝ-diń stýdenti. Semeı q.