Aımaqtar • 20 Tamyz, 2024

Kaspıı jaǵalaýyndaǵy 50 ga jer memleketke qaıtaryldy

101 ret

kórsetildi

1 mın

oqý úshin

Kelip túsken ótinish negizinde Mańǵystaý oblysynyń jer resýrstaryn basqarý departamenti jaýapkershiligi shekteýli seriktestikke qatysty jospardan tys tekserý júrgizdi, dep habarlaıdy Egemen.kz.

Qyrmyzy JUMAǴALIQYZY

Kaspıı jaǵalaýyndaǵy 50 ga jer memleketke qaıtaryldy

Foto: Aýyl sharýashylyǵy mınıstrligi

Tekseris nátıjesinde munaı termınalynyń qurylysyn salý jáne ornalastyrý úshin arnalǵan jalpy aýdany 50,0 gektar jer ýchaskesi uzaq ýaqyt boıy nysanaly maqsaty boıynsha paıdalanylmaı kelgeni anyqtalǵan.

Kadastrlyq baǵalaý quny 445,0 mln teńgeni quraıtyn jer ýchaskesi Kaspıı teńiziniń jaǵalaýyndaǵy Qaraqııa aýdanynda ornalasqan.

Jer ýchaskesiniń menshik ıesine jer zańnamasynyń talaptaryn buzýshylyqtardy joıý týraly nusqama berilgen. Jyl aıaqtalǵannan keıin nusqama talaptaryn oryndamaǵany úshin seriktestikke 345,0 myń teńge kóleminde aıyppul túrindegi ákimshilik shara qoldanylǵan.

Sonymen qatar departamenttiń jer ýchaskesin memleket menshigine májbúrlep alý týraly talap-aryzy sotpen qanaǵattandyrylyp, sot sheshimi zańdy kúshine endi.