Foto: Jambyl oblysy ákimdigi
О́nertapqysh Taraz qalasyndaǵy mektepterdiń birinde 12-synypta oqıdy. Ol bolashaqta IT ınjeneri bolýdy armandaıdy. Qanat Tájihan grant qarajatyna qýattylyǵy 6,6 kVt bolatyn Qazaqstandaǵy tuńǵysh qalqymaly kún elektr stansııasyn jasap shyǵardy. Júıe kún trekerimen jáne ózin-ózi tazalaý fýnksııasymen jabdyqtalǵan. Avtordyń aıtýynsha, onyń jobasy Qazaqstan naryǵyndaǵy eń tıimdisi.
Qanattyń jobasy qazirdiń ózinde Almaty oblysynyń ekologııalyq aımaqtarynyń birinde júzege asyrylyp jatyr.
Aıta keteıik, Qanat Tájihan «Táýelsizdik urpaqtary» jobasynyń grant ıegeri. Bıyl atalǵan baıqaý aıasynda jastardyń bastamalaryn júzege asyrýǵa 3 mıllıon teńge somasynda 30 grant bólinedi. Qazir «Táýelsizdik urpaqtary» baıqaýyna ótinimder qabyldanyp jatyr.
