Túrkııadaǵy Qazaqstan azamattary saılaýǵa bir kisideı qatysty

Qazaqstan Respýblıkasynyń Túr­kııa­daǵy elshiligi Ystambuldaǵy Bas kon­sýldyǵy men Antalııadaǵy Konsýl­dy­ǵyn­da kezekten tys prezıdent saılaýyn ótkizý úshin saılaý ýchaskeleri qurylǵan bolatyn. Saılaýǵa daıyndyq kezin­de Túrkııa­daǵy Qazaqstan Respýb­lı­kasynyń azamattary arasynda elshilik tarapynan aýqymdy ju­mystar atqaryldy. Atap aıtqanda, qazaqstandyq dıplo­matııalyq mıssııa qyzmetkerleri Túr­kııada oqyp júrgen qazaqstandyq stýdentter jáne elde ýaqytsha tirkelgen qazaqstandyq azamattarmen saılaý týraly aqparat berý maqsatymen kezdesýler ótkizgen bolatyn. Elshiliktiń ınternet paraqshasy men áleýmettik jelilerinde Qazaqstannyń Túrkııadaǵy dıplomatııalyq mıssııalarynda qurylǵan saılaý ýchaskeleri týraly tıisti aqparat oryn alǵan. «Ankaradaǵy saılaý ýchaskemiz saılaýshylardy qabyldaýǵa daıyn jáne saılaý zańnamasynyń tıisti normatıvtik aktilerge sáıkes qajetti ınfraqurylym men saılaý materıaldarymen jabdyqtalǵan. Alǵashqy saılaý­shylar ýchaskemizde jer­gilikti ýaqytpen tańǵy saǵat 7.30-da ­daýys berdi», dep málimdedi №236 saılaý ýchas­kesiniń saılaý komıssııasynyń tór­aǵasy, elshiliktiń keńesshi-ýákili Álimhan Esengeldıev. Ankara, Ystambul jáne Antalııa qalalarynda saılaý 26 sáýirde Ankara ýaqytymen saǵat 07.00-20.00 aralyǵynda ótkizildi.