Foto: Zakon.kz
Sottalýshy ózin kooperatıv ıesi ekenine sendirip, úı alýǵa kómektesemin dep ılandyrǵan.
41 jastaǵy áıel, tipti, keńseni jalǵa alyp, áleýmettik jelilerde jalǵan jarnamasyn belsendi túrde taratqan. Alaıaq «Otbasy», «50-de 50», «Tez arada bólip tóleý» jáne «Jınaq» degen baǵdarlamalardy oılap taýyp, sol arqyly turǵyn úı satyp alýǵa kómek kórsetýge ýáde bergen.
Osylaısha, salymshylar alaıaqtyń arnaıy ashyq shotyna aqsha aýdarǵan, óz paıdasyn kózdegen ol aktıvterdi keıbir ınvestorlardyń esebinen tartý arqyly Astana, Aqmola oblysy, Aqtaý jáne Atyraý qalalarynan kezekte turǵan basqa turǵyndarǵa baspana satyp alyp bergen. Osylaısha ol kezegi kelmeı qalǵan 16 salymshyǵa jalpy somasy 525 mıllıon teńgege jýyq materıaldyq shyǵyn keltirgen.
Sot ony qylmystyq quqyq buzýshylyq jasaǵany úshin kináli dep tanyp, múlki tárkilenip, basshylyq qyzmetterdi atqarý quqyǵyn shekteýmen qatar 6 jylǵa bas bostandyǵynan aıyrdy.
