Sýretti túsirgen – Jangeldi ÁBDIǴALYM
Jylytý maýsymyna daıyndyqty óńir basshysy Ermaǵanbet Bólekpaev Shahtınsk JEO-na birneshe ret baryp, jóndeý jumystarynyń sapasyn tekserip, stansa basshylyǵymen, merdigerlermen jıi keńes ótkizip, qadaǵalaýynda ustap otyr.
– Qazir úsh qazandyq agregatynda montajdaý, bólshekteý jumystary júrgizilip jatyr. Eki týrboagregatta aǵyn bóligi boıynsha jumystar aıaqtaldy. Generatorlar boıynsha jóndeý jumystary aıaqtalyp jatyr. Qazandyqtarǵa keletin bolsaq, ekeýi daıyn, qazir montajdaýǵa daıyndyq júrip jatyr, aldaǵy ýaqytta taǵy úsheýi ornatylady. Bul jumystar qysta jylý energııasynyń sapaly bólinýine septigin tıgizedi. Jumys keste boıynsha ýaqytymen júrgizilip kele jatyr, – deıdi «Shahtınsteploenergo» JShS-nyń tehnıkalyq dırektory Abylaı Seıdýáli.
Qazirgi kezde úsh qazandyq pen eki týrbogeneratordy jóndeý jumystary júrip jatyr. Birinshi qazandyqtaǵy jumys 1 qyrkúıekke deıin, №4 qazandyqtaǵy jumys 15 qyrkúıekke deıin, №3 qazandyq aldaǵy jylý berý maýsymy bastalǵanǵa deıin aıaqtalady dep otyr merdiger uıym.
Munymen qosa kásiporynda magıstraldyq jáne toqsandyq qubyrlardy aýystyrý jumystary qyzý. Josparlanǵan 7 ýchaskeniń 6 ýchaskesi, ıaǵnı Molodejnaıa kóshesinen Indýstrıalnaıa kóshesimen qıylysý aýmaǵynda, №5 pavılonǵa qaraı, Molodejnaıa kóshesi boıynsha Ortalyq-3 shaǵyn aýdanyna qaraı, Jeńistiń 40 jyldyǵy boıynsha Parkovaıa kóshesindegi 43a úıge qaraı, TK-1A-dan JJS qaraı, Qazaqstan kóshesindegi 124 úıden Jeńistiń 40 jyldyǵy kóshesindegi 62 úıge qaraı, «Shahmart» saýda úıinen Jeńistiń 40 jyldyǵy kóshesindegi TK-327-ge deıin jóndeý jumysy júrgizilgen.
Jylý jelileriniń ýchaskeleri boıynsha «Shahmart» dúkeni aýmaǵynda qubyrlardy montajdaý jumysy sátti júrgizildi. Qazir trotýardy qalpyna keltirip, aýmaq abattandyrylyp jatyr. «Krokýs» dúkeni aýmaǵynda qubyrlardy bólshektep, birden montajdaý jumystaryna kiristi.
Shahtınsk qalasynda osy jazda jalpy 3,7 shaqyrym jylý jelilerin aýystyrý josparlanǵan bolatyn. Jumystyń negizgi kólemi oryndaldy. Sonymen qatar 2 shaqyrym qubyrdyń jylý oqshaýlaǵyshy qalpyna keltiriledi.
Shahtınsk qalasynyń jylý elektr ortalyǵynda jóndeý jumystary kesheni 70 paıyzǵa, Shahan kentiniń qazandyǵyn jóndeý jumystary 85 paıyzǵa oryndalǵan. Jaýapty merdigerler jóndeý jumystary jylý berý maýsymy bastalǵanǵa deıin aıaqtalady dep sendirdi. Oǵan qosa osy aptada kómir jetkizý boıynsha tender qorytyndylanady.
О́tken aptada joǵarydaǵy jumystardy baqylap qaıtqan oblys ákimi qala basshylyǵy men JEO-ǵa jylý berý maýsymyna daıyndyqtaǵy jaýapkershilikti seziný keregin jetkizdi.
– Siz qysqa daıyndyq úshin jeke jaýap beresiz. Qarjylandyrý bar, barlyq máseleni ýaqtyly sheshińiz. Naqty nátıjelerdi kútemiz. Qala turǵyndarynyń úıindegi jaılylyq jylý kóziniń turaqty jumysyna baılanysty, – dedi óńir basshysy.
Qystyń qamyn qazir oılaǵan olardyń bul jolǵy qysqa daıyndyǵy qaýyrt. Jumystyń kesteden keshikpeýimen qosa, sapasy da qatań baqylaýda deıdi. Degenmen jer qaraıǵannan bergi júıeli jumystan soń Shahtınsk turǵyndary tońbaýǵa tıis. Ony aldaǵy qys aıqyndaıdy.
Qaraǵandy oblysy,
Shahtınsk qalasy
