Foto: uniface.kz
2024 jyldyń aqpan aıynda K. jáne S. aldyn ala kelisim boıynsha jabaıy janýarlardy zańsyz aýlaýǵa shyqqan. Ol úshin olar Aqtoǵaı óńirindegi Ertis ózeniniń jaıylmasyn – jabaıy ańdardy aýlaýǵa tyıym salynǵan erekshe qorǵalatyn tabıǵı aýmaqty tańdaǵan. Olar ózderimen birge tirkelmegen tegis uńǵyly ańshy qarýyn alyp shyqqany belgili boldy.
«Sottalýshynyń biri elikterdi atyp óltirgen. Olar 3 jasar eliktiń óleksesin alyp ketip qalmaq bolǵan sátte polısııa qyzmetkerleri ustaǵan», delingen sot habarlamasynda.
Sottalýshylar erekshe qorǵalatyn tabıǵı aýmaqta ań aýlaǵany úshin memleketke 2,7 mln teńge zalal keltirgen.
Nátıjesinde sot buryn bas bostandyǵynan aıyrý jazasyn ótegen K.-ny 4 jylǵa, S.-ny 3 jylǵa bas bostandyǵynan aıyrdy. Sondaı-aq 7 jylǵa ań aýlaýǵa tyıym salyndy.
Úkim zańdy kúshine engen joq.
