Foto: Aqorda
Is-sharada Memleket basshysynyń bastamalaryn tıimdi júzege asyrýǵa, ishki saıasat salasyndaǵy jumysty uıymdastyrýǵa, etnosaralyq jáne konfessııaaralyq kelisimdi nyǵaıtýǵa, saıası partııalarmen, shyǵarmashylyq odaqtarmen, qoǵamdyq uıymdarmen, azamattyq qoǵamnyń ózge de qurylymdarymen qarym-qatynas jasaýǵa, aqparat jáne jastar saıasatyn júrgizýge, sondaı-aq basqa da ózekti taqyryptarǵa qatysty máseleler talqylandy.
Erlan Qarın Prezıdenttiń bastamasymen júzege asyrylǵan reformalar jáne qoǵamdaǵy ózgerister elimizde múlde jańa saıası ahýal qalyptastyrǵanyn aıtty. Muny, eń aldymen, kózqarastar men ustanymdardyń ár alýandyǵynan baıqaýǵa bolady. Sondyqtan ishki saıasat salasyndaǵy jumysty josparlap, ony úılestirý jáne uıymdastyrý úshin árdaıym tyń tásilder qoldaný kerek ekenin atap ótti.
Sonymen qatar Memlekettik keńesshi qoǵammen baılanysty jáne azamattarmen dıalogty kúsheıtý arqyly ishki saıası turaqtylyqty qamtamasyz etý, jalpyulttyq kelisimdi nyǵaıtý negizgi basymdyq bolyp qala beretinin atap ótti.
Memlekettik keńesshi Erlan Qarın jıyn sońynda Prezıdent usynǵan «Ádiletti Qazaqstan» ıdeıasy jáne jalpyulttyq qundylyqtar negizinde ishki saıasat salasyndaǵy jumysty jetildirýge, qoǵamdyq kelisimdi nyǵaıtýǵa qatysty jaýapty organdarǵa naqty tapsyrmalar berdi.
