Tehnologııa • 23 Tamyz, 2024

Qazaqstan sý tasqynynyń aldyn alýdy Germanııadan úırenbek

110 ret

kórsetildi

1 mın

oqý úshin

Sý resýrstary jáne ırrıgasııa mınıstrligi Qazaqstanda sý tasqynyn boljaý jáne modeldeý boıynsha ozyq halyqaralyq tájirıbelerge zertteý júrgizip jatyr, dep jazady Egemen.kz.

Dana MYRZAQADIR

Qazaqstan sý tasqynynyń aldyn alýdy Germanııadan úırenbek

Foto: kaz.caravan.kz

Mınıstrlik sý tasqynyn taldaý, boljaý jáne modeldeýdiń sıfrlyq sheshimderin beıimdeý boıynsha Germanııa (TALSIM) men Nıderlandynyń (FEWS) júıelerin tańdap aldy.

«Sý tasqynyn boljaýdyń tıimdiligi men dáldigin arttyrý úshin atalǵan ádisterdi biryńǵaı júıege biriktirý josparlanǵan. Atalǵan júıe gıdrologııalyq jáne bult, ylǵaldylyq, jaýyn-shashyn sekildi aýa raıy derekteriniń negizinde saraptama jasaıdy. Qazirgi ýaqytta júıege Esil ózeni basseıniniń derekteri engizilip jatyr», delingen mınıstrlik habarlamasynda.

Aıta ketý kerek, aldaǵy ýaqytta elimizge Nıderlandydan júıeni ázirleýshi mamandar kelmek. Olar eldegi mamandarmen birge óńirdiń ereksheligi men suranysyn eskere otyryp, júıeni jergilikti jaǵdaıǵa beıimdeý múmkindikterin pysyqtaıtyn bolady.

«Júıeni ázirleý barysynda biz sý tasqynyn boljaý jáne aldyn alý baǵytynda tájirıbesi mol memleketterdi zerttedik. Osylaısha, germanııalyq TALSIM jáne nıderlandylyq Delft-FEWS júıelerin paıdalanyp, sý tasqynyn boljaý jáne modeldeýdiń sıfrlyq balama quraly retinde pılottyq rejımde engizý jóninde sheshim qabyldadyq. Osy sheshimderdi paıdalaný sý tasqynyn boljaý jáne aldyn alý múmkindigin arttyrýdaǵy mańyzdy qadam bolyp tabylady», dedi Sý resýrstary jáne ırrıgasııa vıse-mınıstri Aslan Abdraımov.