Foto: Qorǵanys mınıstrligi
Boz kilemdegi jekpe-jekte Qazaqstan, Reseı, Tájikstan sportshylary baq synady.
Chempıonat qorytyndysy boıynsha birinshi orynda Qazaqstan armııasynyń áskerı qyzmetshileri, ekinshi orynda Reseı komandasy, úshinshi orynda Tájikstannan kelgen sportshylar tur. Sonymen qatar Qazaqstan sportshylary jeti altyn medal jeńip aldy. Reseı armııasy komandasynyń qorjynynda – tórt altyn, Tájikstannan kelgen áskerı qyzmetshilerde – bireýi bar.
– Áskerı qyzmetshiler arasynda ulttyq sport túri – qazaq kúresinen jarys ótkizý biz úshin óte mańyzdy. Jalpy chempıonat joǵary deńgeıde ótti. Qorǵanys mınıstrliginiń Sport komıteti atynan uıymdastyrýshylardyń úılesimdi jumysyn jáne sportshylardyń jaqsy daıyndyǵyn atap ótkim keledi, – dep túıindedi Qazaq kuresi qaýymdastyǵynyń dırektory Damır Bekbosynov.
Qazaq kúresin dáripteý jumystary ári qaraı jalǵasatynyn esterińizge sala keteıik. Kelesi jyly Halyqaralyq áskerı sport keńesi (CISM) aıasynda Astanada kúrestiń osy ulttyq túrinen álem chempıonaty ótedi.
