104 jastaǵy qarııa óz tańdaýyn bildirdi

Almaty oblysy, Alakól aýdany, J.Balapanov aýyly № 56 Qyzyl­ashy ­saılaý ýchaskesinde 104 jastaǵy Rabat qarııa Tegisbaev Qazaqstan Respýb­lı­kasynyń prezıdenttigine úmitkerdi tań­daýǵa arnalǵan saılaýǵa qatysyp, óz tańdaýy boıynsha daýys berdi. Jastaıynan Rabat qarııa eńbekke aralasyp, eskishe oqyp, keıinnen 3 synyptyq bilim alǵan. 1941 jyldyń qarasha aıynda Uly Otanyn qorǵaý úshin maıdanǵa 153-shi atqyshtar polki quramynda qatardaǵy jaýynger bolyp attanady. Otan úshin surapyl shaıqasqa Volga ózeninen bastap kirisip, Kýrsk túbindegi arpalysta, Ýkraına, Latvııa, Polshany azat etý úshin jan aıamaı shaıqasqan. 1945 jyly 9 mamyrda Uly Jeńisti Berlın qalasynda qarsy alypty. Berlın qalasy úshin bolǵan shaıqasta qatty jaralanyp, áskerı gospıtalda bir jyldan astam ýaqyt emdelgen. 1946 jyldyń qazan aıynda týǵan jerine oralady. Aýylǵa kelgennen bastap eńbekke aralasypty. 1946 jyldyń qarasha aıy­nan bastap shopan bolyp eńbek etipti. 1947 jyly óz aýylyndaǵy GaýHar Shalovamen otbasyn qurady. Qazir beınetiniń zeınetin kórip otyr. Rabat aqsaqal II dárejeli Uly Otan soǵysynyń ordenimen «G.Jýkov», «Ýkraınany azat etkeni» úshin medaldarymen marapattalǵan. Rabat Tegisbaıuly 104 jasqa kelse de tyń. Aýyldyń abyroıly aqsaqaly. Úsh uly men nemereleriniń arasynda baqytty ǵumyr keshýde. Nurbol ÁLDIBAEV, «Egemen Qazaqstan». Almaty oblysy, Alakól aýdany.