Jasampaz jigerdiń saltanaty

Eýrazııa ulttyq ýnıver­sıtetiniń myńdaǵan adamnan turatyn ujymy Nursultan Ábishuly Nazarbaevty Qazaq­stan Respýblıkasynyń Prezı­denttigine saılaýda jeńiske jetýimen quttyqtaıdy. Saılaýdyń búgingi qory­tyndysy – Elbasynyń sózsiz bedeliniń, qazaqstandyq halyqtyń onyń elimizdi áleý­mettik-ekonomıkalyq jaǵynan damytýǵa jáne ha­lyqaralyq arenadaǵy bedelin nyǵaıtýǵa baǵyttalǵan saıasatyn keńinen qoldaıtyndyǵynyń dáleli. Kezekten tys ótkizilgen saılaýda Nursultan Ábishuly Nazar­baevtyń qaıta saılanýy – Qazaqstannyń ortaq aspany astynda ómir súrip jatqan barsha halyqtyń tarıhı jeńisi. Biz Qazaqstannyń gúldengen bolashaǵy úshin daýys berdik. Osy jyldar ishinde biz abyroısyz, jalań sózdilerge senbeýdi, jáne jalǵan ýádelerge kózsiz ere bermeýdi úırendik. Osy jyldar boıy biz bir adamnyń ómirlik ustanymy elimizdi qýatty memleketter qataryna qosa alatynyna sendik. Bul adamnyń esimi tek Qazaqstan azamattaryna ǵana tanymal emes – onyń esimi turaqtylyqtyń, beıbitshilik pen gúldenýdiń belgisi bolyp tabylady. Nursultan Ábishuly Nazarbaev – óz halqyna senetin Kóshbasshy. Búginde biz bolashaǵymyzdy birigip qurýdamyz. Ná­tıjesi Qazaqstan azamat­­tarynyń ýa­qyttyń jahan­dyq ózgeristeri aıasynda saıası belsendi elge aınalyp otyrǵandyǵyn kórsetedi. Bul rette – bári ashyq boldy, saılaý aldy naýqan barysy baıqaýshylardyń, táýelsiz sarapshylardyń jumy­synan kórinis tapty, saılaý aldy etıka saqtaldy. Elimizdiń tarıhyndaǵy eń qysqa jáne eń mańyzdy saılaýaldy naýqan halyq­tyń aýyzbirshiligimen, yntymaq­tastyǵymen jáne bolashaqqa degen umtylysymen este qa­lady, baıqaýshylardyń óz­deri uıym­dastyrýdyń jáne demokratııalyqtyń joǵary deńgeıin atap ótti. Úmitker Nursultan Nazarbaevtyń saılaý aldy naýqany óte biregeı, este qalarlyq bolyp tabyldy. Stýdentter qaýymy saılaý aldy naýqannyń barysyn qyzyǵa baqylap qana qoıǵan joq: daryndy jáne bastamashyl, úzdik, aqyldy jáne durys baǵytta damýǵa umtylǵan jas­tar Kóshbasshynyń bireý ǵana bolatynyn biledi.  Ol barlyǵyn bolashaq urpaqtyń ıgiligi úshin jasaıdy. Sondaı-aq, biz elimizdiń bolashaq beınesin aıqyndaıtyn birqatar mańyzdy ınnovasııalyq sheshimder qabyldanǵan bilim salasynda da Prezıdenttiń shyǵarmashylyq qýaty erekshe kórinis beretindigine kózimiz jetti: «Nazarbaev Ýnıversıtet», Nazarbaev zııatkerlik mektepteri halyqaralyq aýqymdaǵy zııat­kerlik oıdy óristetý úlgisine aınaldy. Mine, sondyqtan ol – Tuń­ǵysh. Onyń bastamalary jarııa bolǵan sátten bastap birden áreket etýge jeteleıdi, osyndaı turaqtylyqpen sheshimderdi júzege asyrý Memleket basshy­synyń ańyzǵa aınalǵan saıası jigerimen qamtamasyz etil­gen memlekettik apparattyń úılesimdi jáne yntaly jumys jasaýyn talap etedi. Nursultan Ábishuly Nazarbaev – biregeı tulǵa, Qazaqstan tarıhyna jańa dáýirmen janasqan irgeli oqı­ǵalardy úılesimdi engize bilgen biregeı basshy. Ol halyqtyń ishinen shyqty. Qyzmettik saty ıirimderinde basshylyq etýdi jetildirgen, saıa­sı kúres kóriginde qaısar minezin shynyqtyrǵan, jigerli, daryndy, óz maqsatyna barar jolda tabandy jáne qajyrly bola bildi. Ol tarıhqa Táýelsiz Qazaqstannyń Tuńǵysh Prezıdenti retinde endi, birden-bir ekonomıkalyq órleýdi qamtamasyz ete otyryp, elimizdi memlekettiń qalyptasýyndaǵy qıyn-qystaý jyldardan aman alyp shyqty. Álemdik deńgeıdegi oılar. Ulttyq oqıǵalardy álemdik úderistermen salystyra otyryp, sheshimdi halyqtyń ıgiligine jáne memleket múddesine saı qabyldaıdy. Bul, qaıtalap aıtaıyn, Nazarbaevtyń bilim salasyndaǵy bastamalary mysalynda erekshe kórinis beredi, onda barlyq sheshimder eń joǵarǵy baǵan boıynsha qabyldanǵan. Taǵy da ulttyq basymdyqtar, adamgershilik qundylyqtar mańyzy jóninde. «Qazaqstan tarıhy men mádenıeti – jas­tar ja­sampazdyqtyń qýatty kózimen sýsyndaı alatyn qaınar bulaq», – deıdi Prezıdent. Búginde ulttyq basymdyqtar qatarynda – Qazaqstan halqy Assambleıasy. Onyń XXII sessııasynda Tóraǵa Nursultan Ábishuly Nazarbaev Assambleıanyń ózi sheshýge qatysatyn mindetterdi alǵa qoıdy: elimizdi jańa ındýstrııalandyrý, «Nurly Jol» baǵdarlamasy, 5 halyqtyq reforma – «jańa ındýstrııalandyrý, «Máńgilik El» – bular kóp jylǵa buryn eseptelgen urpaqtan-urpaqqa jalǵasatyn mega-jobalar. Olardy tek qýatty búkilhalyqtyq mehanızm ǵana iske qosýǵa qabiletti. Bolashaq birtutas ult osyndaı bola alady. Biz biregeı jáne halyq birliginiń osy kezge deıin esh jerde qaıtalanbaǵan modelin qalyptastyrýdamyz», – dep atap ótti Elbasy. Memleket basshysy bolý – aýyr júk. Biraq biz Elbasynyń sózsiz kásibıligi jyldar boıy shyńdalyp, óziniń kúsh-qýa­tymen ol jyldan-jyl­ǵa hal­qymyzdy jáne elimiz­di gúl­dendiretinine, ol ómir jo­lyndaǵy barlyq qıynshy­lyq­tardy esinde saqtaı otyryp, basty maqsatyn berik usta­natynyna kúmánimiz joq. Ýaqyt pen oqıǵalar bizdiń tańdaýymyzdyń durystyǵyn rastaıdy. Prezıdent bolashaq kodyn biledi: bul bizdiń dástúrli túrde bilimge degen umtylysymyz. Bilim degen kıeli uǵym. Bolashaq jastardyń bilimdiligimen aı­qyndalady. Bilim alý – bizdiń basty paradıgmamyz, ol Qazaq­stan Respýblıkasynyń Tuń­ǵysh Prezıdenti – Elbasynyń  tulǵasynda tolyǵymen kórinis tapqan. Onyń qyz­metinde únemi ulttyq aýqym­daǵy jobalarda júzege asyrylyp otyratyn bilimge degen teńdessiz uqyptylyq, biraq belsendi, zerdeli jáne sonymen qatar, bastamashyl qatynasty kórýge bolady. Búginde Prezıdenttiń ıdeıalary, bastamalary, áreketteri Máńgilikpen ushtasý ispettes, olardyń naqty irgetasy bar. Bizge tek jumys jasaý kerek. Tynym tappaı. Prezıdentpen birge. Erlan SYDYQOV, L.N. Gýmılev atyndaǵy EUÝ rektory.