Igi shara partııanyń «Baqytty otbasy» jobasy aıasynda óńirdiń barlyq aýdanynda ótip jatyr. Bul aksııa jyl saıyn dástúrli túrde uıymdastyrylyp keledi. Maqsaty – áleýmettik turǵydan az qamtylǵan otbasylardyń balalaryn mektepke daıarlaýǵa qoldaý kórsetý.
Aksııanyń alǵashqy kúni Qonaev qalasynda ótti. Bul kúni «Amanat» partııasynyń músheleri 45 balaǵa mektep formasyn, oqýlyqtar, sómkeler jáne keńse taýarlaryn tabystady.
«Mektep jasyndaǵy balalarǵa jańa oqý jyly bastalar aldynda qýanysh syılap, oqýshylardy kerek-jaraǵymen qamtyp kele jatqan aksııa bıyl da jalǵasyn taýyp otyr. Bul – qaıyrymdylyq aksııasy bir ret qana ótkiziletin is-shara emes, óńir turǵyndarynyń ál-aýqatyn arttyrýǵa baǵyttalǵan partııanyń aýqymdy júıeli jumysynyń bir bóligi. Máselen, bes kún ishinde fraksııa músheleri 16 mln teńgeden asa somaǵa 350-ge jýyq balany mektepke daıarladyq. Naýqan sońyna deıin 1 200 oqýshyny qamtýdy josparlap otyrmyz», dedi «Amanat» partııasy Almaty oblystyq fılıalynyń atqarýshy hatshysy Erlan Jaqypov.
Partııalyqtar jańa oqý jylyna deıin mundaı is-sharany birneshe márte uıymdastyrýdy josparlap otyr. Buǵan máslıhattardaǵy «Amanat» partııasynyń depýtattyq fraksııa músheleri atsalysyp jatyr.
Almaty oblysy
