Sýretti túsirgen – Erlan OMAR, «EQ»
Mektep kitaphanalary 87 120 jańa kitappen tolyqty. Onyń ishinde ǵylymı-kópshilik baǵyttaǵy kitaptar, ensıklopedııalar, balalar qyzyǵýshylyǵyn týdyrǵan ádebı shyǵarmalar bar. Jańa oqý jylynda erekshe qajettiligi bar 9 148 balanyń óz qatarlastarymen birge bilim alý múmkindikteri qarastyryldy. Olardyń kóbi byltyrǵy synyptastarymen birge partaǵa otyrady. О́kinishke qaraı, jyl saıyn óńirde densaýlyǵynda týabitti kináraty bar balalar sany kóbeıip keledi.
О́ńirdegi 30-dan astam kolledjde 18 202 stýdent memlekettik tapsyrys boıynsha bilim alýdy bastaıdy. Osy oqý jylynda kásiptik bilim berý uıymdary túlekteriniń jumysqa ornalastyrýyn jedeldetetin halyqaralyq tájirıbe negizinde «Mamandyqtar atlasy» ázirlenedi. Bıyl óńirdegi oqýshylar sany 1000-nan asatyn 150 mektepte oqys qımyldar men kúdikti zattardy anyqtap, jedel ortalyqqa dabyl beretin sıfrlyq beınebaqylaý júıeleri ornatylady.
Jazda 150 myńnan astam oqýshy qala syrtyndaǵy, mektepishilik jáne qosymsha bilim berý uıymdary janyndaǵy lagerlerde demaldy. Sý tasqynynan zardap shekken aýdandardyń, az qamtylǵan jáne kópbalaly otbasylardyń 30 myń balasy tegin joldamamen qamtamasyz etildi. Kóktemdegi sý tasqynynan 14 bilim mekemesi zardap shekse, alty mektep múlde jaramsyz bolyp qaldy. Jańa mektep qurylysyna Úkimettiń rezervtik qorynan qarajat bólindi. Soǵan qaramastan Oıyl aýdanynyń Ekpetal aýyly men Yrǵyz aýdany Nura aýylynyń mektepteri oqý jylyna daıyn emes. О́ıtkeni Yrǵyz aýdanynda tótenshe jaǵdaı rejimi áli aıaqtalǵan joq. Nura aýylynda Torǵaı ózeniniń sýy qaıtpady, aýyl úıleri áli de sý ortasynda tur. Osydan alty jyl buryn salynǵan Nura orta mektebi de bes aıdan beri sý ortasynda, ǵımaraty múlde jaramsyz. Qazir osy aýyldyń irgesindegi bıikteý qyratta 60 oryndyq mektep jeke ınvestordyń qarjysyna salynyp jatyr. Alaıda qara kúzge deıin jańa mektep aıaqtala qoımaıtyny anyq. Oblystyq bilim basqarmasynyń habarlaýynsha, Nura mektebiniń 100-ge jýyq oqýshysy qashyqtan bilim alady. Kóktemde sý basqan Ekpetal negizgi mektebiniń 35 oqýshysy da aýdan ortalyǵyndaǵy Oıyl agrarlyq kolledji ǵımaratynda bilim alady.
Jańa oqý jylynda 70 myńnan astam bastaýysh synyp oqýshylary men erekshe sanattaǵy otbasy balalary tegin ystyq tamaqpen qamtamasyz etiledi.
Aqtóbe oblysyndaǵy 56 aýyl mektebin tolyq jańǵyrtý jumystary bastalyp ketti. Bul kúnderi 50 mektepke jańa jıhazdar satyp alynyp, 56 mektepke týrnıketter ornatyldy. Bilim basqarmasynyń málimetine qaraǵanda, 2025 jylǵa deıin óńirdegi barlyq aýyl mektebin tolyq jańǵyrtý jumystary aıaqtalmaqshy.
Aqtóbe oblysy
