Bul – barshamyz baǵyndyrǵan bıiktik

Qazaqstan Respýblıkasy Prezıdentiniń kezekten tys saılaýyn baqylaý jónindegi respýblıkalyq qoǵamdyq komıssııa músheleriniń pikiri Tatıana ZINKEVICh, D.A.Qonaev atyndaǵy Eýrazııalyq zań akademııasy kafedra meńgerýshisiniń orynbasary, zań ǵylymdarynyń kandıdaty, dosent: Men Qazaqstan Respýb­lıkasy Pre­zı­­den­­tiniń kezekten tys saılaýyn baqylaý jónindegi respýblıkalyq qo­ǵam­dyq komıssııa atynan baqylaýshy bolyp bekitilgen Almaty qalasy, Medeý aýdany, Shýhov kóshesi, 37 B mekenjaıynda ornalasqan №403 saılaý ýchaskesinde daýys berý úderisi qarqyndy júrdi. Ásirese, saılaý kúniniń birinshi jartysynda halyqtyń daýys berýge qatysý belsendiligi joǵary boldy. Jalpy, saılaý sharalary joǵary deńgeıde uıymdastyrylǵan. Baqylaýshylardyń eshqaısysy qandaı da bir zań buzýshylyq tirkegen joq. Ýchaskeniń ashylýy týraly hattama, qorytyndy hattama syndy barlyq qajetti qujattar berildi. Edýard MUHAMEDJANOV, Abylaı han atyndaǵy Qazaq halyqaralyq qatynastar jáne álem tilderi ýnıversıteti halyqaralyq quqyq kafedrasynyń professory, zań ǵylymdarynyń doktory, professor: Qazaqstan Respýb­lıkasy Prezıdentiniń kezekten tys saılaýyn baqylaý jónindegi respýblıkalyq qoǵamdyq komıssııa baıqaýshy­lary elimizdegi saılaý ýchaskeleriniń basym bóliginde saılaý barysyna qadaǵalaý júrgizdi. Men Almaty qalasy, Medeý aýdany, Qaldaıaqov kóshesi, 62 mekenjaıyndaǵy №374 saılaý ýchaskesinde baıqaýshy bolyp bekitildim. Daýys berý barysy erkin, ashyq, tártipke saı, birqalypty, osyndaı is-sharalarǵa tán qandaı da bir qarbalassyz ótti. Saılaýshylardyń kelý qarqyny joǵary boldy. Dáýlet BAIDILDINOV, Ál-Farabı atyndaǵy Qazaq ulttyq ýnıversıteti zań fakýltetiniń dekany, zań ǵylymdarynyń doktory, professor: Qazaqstan Respýb­lıkasy Prezıdentiniń kezekten tys saılaýyn baqylaý jónindegi respýblıkalyq qoǵam­dyq komıssııanyń Qazaqstanda ótken saılaýlardy baqylaý tájirıbesi mol. Bıylǵy saılaý naýqany birshama ózgeshe boldy. Birinshiden, halyqtyń saılaýǵa kelý qarqynyna qarap, bolashaqqa degen zor senimin ańǵarýǵa bolady. Ekinshiden, saılaýǵa beıjaı qarap, saıası mańyzdy oqıǵadan tys qalǵandar kemde-kem. Úshinshiden, jalpy saılaý naýqany eshqandaı daý-damaısyz ótti, zańsyz saıası tehnologııalardy qoldaný áreketteri baıqalǵan joq. Tórtinshiden, bul saılaý qazaqstandyq qoǵamnyń saıası mádenıetiniń óskendigin kórsetti. Sondaı-aq, bul kúndi mereke retinde qabyldaǵan otandastarymyzdyń qýanyshty kóńil-kúıin syrttaı baqylaý óte qyzyqty boldy. Aryspaı KABDYǴALIEV, saıasattanýshy. Aldymen saılaý naýqanynyń joǵary deńgeıde uıym­das­tyrylǵanyn atap ótý kerek. Kólemdi daıyndyq jumystary jasalǵan. Saılaý komıssııalary músheleri tarapynan daýys berý ýchaskelerin daıyndaýda qajyrly eńbek atqarylǵan. Qarapaıym azamattar tarapynan saılaýǵa qyzyǵýshylyqtyń artýy qýantarlyq jaıt. Qazaqstan Respýblıkasy Prezıdentiniń saılaýy esh kúmánsiz búkil álemge qoǵam belsendiliginiń artqanyn jáne qazaqstandyqtardyń elektoraldyq mádenıeti deńgeıiniń óskendigin kórsetti. Biz, Qazaqstan azamattary, óz tańdaýymyzdy jasadyq, bizdiń tańdaýymyz tarıhqa halqymyz ben elimizdiń bolashaǵy úshin jasalǵan tańdaý retinde enetin bolady! Jańyljan JÚNISOVA, saıası ǵylymdar doktory, professor. Halyqaralyq baı­qaýshylar men qazaq­standyq qoǵamdyq birlestikter ókil­deriniń saılaý ýchaskelerine kóptep tartylýy qara­­paıym jaǵdaıǵa aı­naldy. Saılaý rási­min qamtamasyz etýge baǵyttalǵan, baı­qaý­­shylardyń qaty­sýy, memlekettiń ashyq­tyǵyn jarııalaıdy, saılaýdyń ádildigi men týralyǵyna degen senimin arttyrady. Sondaı-aq, saılaýshylardyń qatysýy joǵary boldy. Biz tańerteńnen beri bıýlletenderge degen kezekti kórip otyrmyz. Erterek daýys berýge umtylý, óziniń konstıtýsııalyq quqyǵyn qoldaný – bul qazaqstandyq joǵary elektoraldyq mádenıettiń kýási. Saılaý birlik pen demokratııalyq qundy­lyqtardy taǵy bir márte jarııalady – bul Qazaqstannyń betke alǵan joly. Karıne BABAGÝLIаN, zańger: Qazaqstandyqtar óz­deriniń jańarýdy, odan ári damý men birizdilikti tańdaıtyndyqtaryn ta­ǵy bir márte dáleldedi. Saılaýshylar bel­sen­diliginiń joǵary deńgeıde tirkelýi qo­ǵam birligi men daýys berýshilerdiń azamattyq sanalylyǵynyń kýási. Birqatar sarapshylar halyqtyń saıasatqa degen qyzyǵýshylyǵynyń artyp otyrǵandyǵyn atap kórsetti. Memleket basshysy kez kelgen eldiń kúshi – birlik ekendigin nyǵyzdap aıtyp keledi. Qoǵamdyq birlik pen kelisimniń aıqyn pash etilýi prezıdenttik saılaýdyń basty qorytyndylary dep oılaımyn. Záýre ALShYMBAEVA, ekonomıst: Jalpy, Qazaqstanda saılaý úderisin uıym­dastyrýda joǵary deń­geılik jáne saılaý­shylardyń erekshe belsendiligi baıqalady. Saılaý naýqany barysynda barlyq sharalar qatań zań talaptaryna sáıkes ótti. Halyqaralyq baıqaýshylar úshin saılaýaldy naýqany men saılaý barysynda ashyqtyq qamtamasyz etildi. Qazirgi Prezıdent kandıdatýrasyna degen búkilhalyqtyq qoldaý qazaqstandyqtardyń memlekettiń búgini men bolashaq jetistikterin tek qana Memleket basshysymen baılanystyratyndyqtaryn kórsetti. Nursultan Nazarbaevtyń saıası baǵytynyń negizgi minezdemesi onyń naqtylyǵynda. Elbasynyń reformalary árqashan memlekettik saıasat tarapynan áleýmettik basymdyqqa ıe. Nátıjesinde, jalpy memlekettik deńgeıde qabyldanǵan sharalar azamattardyń ál-aýqatynyń artýyna jáne materıaldyq jaǵdaıynyń ósýine yqpal etedi. Juldyzaı YSQAQOVA, saıasattanýshy: Prezıdent saılaýy – qandaı memlekettiń bolmasyn saıası ómi­rin­degi óte jaýapty da mańyz­dy shara. Shyn má­ni­nde – eldiń odan ári damý­yn tańdaý joly. Búgin, qazaqstandyqtar tarapynan tańdaý, Qazaq­stannyń turaqty damý­ynyń kepili, moıyn­dalǵan kóshbasshy Nur­sultan Ábishuly Nazarbaevqa tústi. Búginde Nursultan Nazarbaevtyń ıdeıalary men maqsattary jalpyulttyq qundylyqtarǵa aınaldy. Osyǵan negizdele otyryp, qazaqstandyqtardyń basym kópshiligi ózderiniń Kóshbasshysy – Nursultan Nazarbaevqa daýys berdi. Saılaý qorytyndylary Elbasyna degen senimdi joǵary deńgeıdi kórsetip, bizdiń elimizdegi tarıhı maksımýmǵa aınaldy. Sonymen qatar, bul kúngi saılaýshylardyń qatysýynyń joǵary deńgeıin atap ótý kerek. Aldyńǵy naýqandarmen salystyrǵanda bizdiń azamattarymyzdyń saıası jáne elektoraldyq mádenıetiniń artqany aıqyn kórinip tur. Sondaı-aq, bul saılaý búkil álemge Qazaqstannyń demokratııalyq qaǵıdattar men normalarǵa beriktigin dáleldedi. Olardyń barysyn myńdaǵan otandyq jáne júzdegen sheteldik baıqaýshylar muqııat qadaǵalady.