Alǵashqy kúnderi «Barys Arenada» jattyqqan jerlesterimiz jeksenbide Chehııaǵa sapar shekti. Sol jerde jergilikti «Homýtov» klýbymen joldastyq kezdesý ótkizdi. Kezinde bul ujymdy dańqty hokkeıshi, Olımpıada jáne álem chempıony, sol jarystardyń birneshe dúrkin júldegeri, atalǵan eldiń ulttyq komandasyn eki ret dúnıejúzilik dodanyń jeńimpazy atandyrǵan ataqty bapker Vladımır Rýjıchkanyń jattyqtyrǵanyn jankúıerler jaqsy biledi. Bul básekede Qazaqstan quramasy 4:2 esebimen jeńiske jetti. Bizdiń komanda sapyndaǵy oıynshylar arasynda Maksım Muhametov, Artem Lıhotnıkov, Roman Starchenko jáne Nıkıta Mıhaılıs mergendik tanytty. Kelesi kúni Oleg Bolıakınniń shákirtteri Bratıslavaǵa attandy.
Qysqy Olımpııa oıyndarynyń joldamalary taratylatyn týrnırde otandyq shaıbaly hokkeıshilerimiz mynadaı quramda óner kórsetedi: Qaqpashylar – Nıkıta Boıarkın («Barys»), Maksım Pavlenko («Rıazan-VDV»), Andreı Shýtov («Slovan»). Qorǵaýshylar – Ádil Beketaev, Tamırlan Gaıtamırov, Samat Danııar («Barys»), Dmıtrıı Breýs («Torpedo»), Leonıd Metalnıkov («Admıral»), Edýard Mıhaılov («Arlan»), Valerıı Orehov («Metallýrg»), Ivan Stepanenko («Hýmo»). Shabýylshylar – Álıhan Ásetov, Aleksandr Borısevıch, Dinmuhamed Qaıyrjan, Maksım Muhametov, Rýslan Ospanov, Mıhaıl Rahmanov, Kırıll Savıskıı, Roman Starchenko («Barys»), Rýslan Demın («Saryarqa»), Artem Lıhotnıkov («Hýmo»), Kırıll Panıýkov («Amýr»), Evgenıı Rymarev («Iýnıson»), Arkadıı Shestakov («Admıral») jáne Nıkıta Mıhaılıs («Metallýrg»). Bapkerler quramynda Bolıakınnen bólek, Georgıı Vereshagın, Talǵat Jaılaýov, Pavel Bessonov syndy mamandar bar.
Osy sapar aldynda BAQ ókilderine bergen suhbatynda Oleg Bolıakın: «Olımpıadanyń lısenzııasyna ıelik etýge múmkindigimiz zor. О́ıtkeni aldyna bıik maqsat qoıǵan básekege qabiletti komanda jasaqtaı aldyq. Prezıdent kýbogi jolyndaǵy jarysty daıyndyq jumystarynyń bastapqy kezeńi retinde qarastyrdyq. Keıinnen qatarǵa Nıkıta Mıhaılıs, Valerıı Orehov, Evgenıı Rymarev, Artem Lıhotnıkov, Ivan Stepanenko. Andreı Shýtov, Arkadıı Shestakov, Leonıd Metalnıkov syndy saqa hokkeıshiler qosyldy. Sondyqtan da el quramasy osy jaýapty jarysqa saqadaı saı ázirlikpen attanyp barady dep aıtýǵa tolyq negiz bar», dep málimdedi.
Slovakııada shymyldyǵy túriletin irikteý týrnırindegi tusaýkeser kezdesýin jerlesterimiz 29 tamyzda Majarstan quramasyna qarsy ótkizedi. Kelesi kúni Aýstrııamen sheberlik baıqassa, 1 qyrkúıekte jarys qojaıyndarymen kúsh synasady.
