Depýtat Senattyń zań shyǵarý qyzmeti týraly aıtyp, qoǵamdaǵy ózara qurmet pen senimdi nyǵaıtýdyń jáne zań men tártipti saqtaýdyń mańyzdy ekenin atap ótti.
«VIII saılanǵan Parlamenttiń II sessııasy barysynda 102 zań qabyldandy. Onyń úshten birine depýtattyq korpýs bastamashy boldy. «Qoǵamdyq baqylaý týraly», «Adam saýdasyna qarsy is-qımyl týraly», «Mass-medıa týraly», basqa da zańdar azamattardyń quqyqtaryn qorǵaýǵa, sondaı-aq azamattyq qoǵamdy odan ári damytýǵa arnalǵan. Áıelder men balalardyń quqyqtaryn qorǵaýdy kózdeıtin zańnama kúsheıtilip, lýdomanııamen kúres sharalary da qabyldandy», dedi Bıbigúl Jeksenbaı.
Sonymen qatar Parlament depýtaty senatorlar el Prezıdentiniń tapsyrmasymen qolǵa alynǵan baǵdarlamalar men jobalardy iske asyrý aıasynda aıtarlyqtaı jumys atqarǵanyn atap ótti.
«Adam quqyqtaryn qorǵaý – jaýapty mindet qana emes, sonymen qatar joǵary mártebe. Osy rette Memleket basshysy belgilep bergen ulttyq qundylyqtar quqyq qorǵaý organdary qyzmetkerleriniń jumysynda negizgi qaǵıdatqa aınalady dep senemiz. Bul qundylyqtar – ár azamattyń quqyqtary men bostandyqtaryn qorǵaý kezinde olardyń áreketteri men tásilderin anyqtaýǵa, qoǵamnyń senimin nyǵaıtýǵa jáne elde ádil quqyqtyq keńistik qalyptastyrýǵa yqpal etetin úlken kúsh», dedi senator.
