Qarym-qatynastar bolashaǵy talqylandy

Syrtqy ister mınıstri Erlan Ydyrysov latvııalyq saıasatker, Eýropa Parlamentiniń depýtaty, Ortalyq Azııa jáne Mońǵolııa elderimen yntymaqtastyq boıynsha delegasııa tóraıymy Iveta Grıgýlemen kezdesti. Kezdesý barysynda taraptar Qazaqstan jáne EO arasyndaǵy Keńeıtilgen seriktestik pen yntymaqtastyq týraly jańa kelisimshartty parafırleý aıasynda Qazaqstannyń Eýropa odaǵymen jáne, atap aıtqanda, Latvııamen qatynastarynyń qazirgi ahýaly men bolashaǵyn talqylady. Atalǵan kelisim boıynsha kelissózder úsh jylǵa sozylyp, 2014 jyly 9 qazanda Qazaqstan Prezıdenti Nursultan Nazarbaevtyń Brıýsselge sapary barysynda aıaqtaldy, al bıylǵy 20 qańtarda Brıýsselde taraptar jańa kelisimshart mátinin parafırleý rásimin ótkizdi. Mınıstr Qazaqstan men EO arasynda túrli deńgeılerdegi, sonyń ishinde eki el parla­ment­a­rııleri arasyndaǵy sátti ynty­maqtastyqqa qanaǵat bil­dirdi. QR-EO parlamenttik ynty­maqtastyq komıtetiniń otyrys­tary yqpaldastyqtyń qol jetken jetistikteri men erekshe nazar talap etetin máselelerin talqylaý úshin mańyzdy pikir almasý alańyna aınalǵanyn atap ótti. E.Ydyrysov I.Grıgýle hanymdy Ortalyq Azııa boı­yn­sha Eýroparlament delega­sııa­synyń tóraıymy laýazy­myna taǵaıyndalýymen quttyqtap, EO Keńesindegi Latvııa tóraǵa­lyǵynyń Ortalyq Azııa úshin EO strategııasy ózektiligin kóterý nıetine qoldaý bildirip, Qazaqstan men Latvııa arasyndaǵy ekijaqty qatynastardy odan ári belsendilendirý úmitin bildirdi. Taraptar, sonymen qatar, adam quqyqtary, óńirlik jáne ǵalamdyq qaýipsizdik máselelerin jáne álemdegi geosaıası jaǵ­daıdy talqylady. Qazaqstan Ýkraınadaǵy daǵdarysty beıbit jolmen sheshýge, sonyń ishinde «normandyq pishimdegi» sam­mıtti ótkizýge alań usyný arqyly yqpal jasaýǵa daıyndyǵyn rastady. Eýroodaq Qazaqstannyń basty saýda jáne ınvestısııalyq áriptesi bolyp tabylady. Qazaqstannyń taýar aınalymynyń jartysy jáne elimizge tartylǵan ın­vestısııanyń jartysynan kóbi Eýropa elderiniń úlesinde. EO-men syrtqy saýda kólemi 2014 jyldyń 11 aıy ishinde 50 mlrd. AQSh dollaryna deıin jetti. «Egemen-aqparat».