Foto: regnum.ru
Búgingi tańda barlyq óńirlerde Qazaqstannyń azamattyq alıansy jáne Qoǵamdyq keńesterdiń uıymdastyrýymen ótken Qazaqstanda AES qurylysy máselesi boıynsha qoǵamdyq tyńdaýlar ótti.
Osy rette, Qazaqstannyń azamattyq alıansynyń prezıdenti Nurǵazıeva Baný Ganıqyzy: «Beıbit atomnyń - áleýeti orasan zor. Al álemdegi iri ýran óndirýshi el bola tura ony ıgerip, ıgiligin kórmeý árıne durys emes. Sondyqtan da biz qazir halyqqa osy turǵyda týyndaǵan suraqtaryna naqty jaýap berip, onyń mańyzdylyǵy men qajettiligin, qaýipsizdigin tereńirek túsindirýimiz qajet», dep atap ótti.
Sonymen qatar Qazaqstanda AES salý máselesiniń mańyzdylyǵy týraly «Iаdrolyq fızıka ınstıtýty» RMK bas dırektory Saıabek Sahıev jáne «Qazaqstandyq atom elektr stansııalary» JShS bóliminiń jetekshi ınjeneri Asýan Sııabekov sóz sóılep, qoǵamdyq keńes múshelerin mazalaǵan saýaldarǵa jaýap berdi.
Aıta keteıik, Qoǵamdyq keńesterdiń úılestirý ortalyǵy Mádenıet jáne aqparat mınıstrligi janynan qurylǵan. Atalǵan ortalyqqa mınıstrlikter men vedomstvolardyń, kvazımemlekettik sektordyń jáne oblystardyń, Astana, Almaty, Shymkent qalalarynyń qoǵamdyq keńesteriniń tóraǵalary múshelik etedi.
