Syrdaǵy jasandy ıntellekt mektebi

Birlesken bastamanyń ne­gizi Koreıadan kel­­gen delegasııa Qyzylorda jerinde kóz jum­ǵan ult­tyq batyry, ge­neral Hon Bom Donyń súıegin tarıhı ota­nyna alyp qaıtqan 2021 jyly qalanyp edi. Qarapaıym otba­synda týyp, eliniń ulttyq batyry atanǵan general japon okkýpantaryna qarsy alǵash partızandyq qozǵalys qurǵan qaharman. Eliniń táýelsizdigi úshin kúresken ol ótken ǵasyr­dyń jıyrmasynshy jyldary keńes odaǵy aýmaǵyna boı tasalap, keıinnen Qyzylordaǵa turaqtaıdy. Syr boıynda ómirden ótip, jer qoınyna tapsyrylady.

О́tken jyl ortasyndaǵy Koreıaǵa saparynda oblys ákimi Nurlybek Nálibaev bas­taǵan qyzylordalyq delegasııa Seýl ulttyq ǵy­lym jáne tehnologııalar ýnıver­sı­tetiniń prezıdentimen kez­de­sip, áriptestikke qatysty máselelerdi jan-jaqty talqy­la­dy. Osylaısha, byltyr Qor­qyt ata atyndaǵy Qyzylorda ýnıversıtetinde Seýl ulttyq ǵylym jáne tehnologııalar ýnı­ver­sıtetiniń Jasandy ıntellekt jáne ınformatıka joǵary mektebi ashyldy.

Jasandy ıntellekt tehno­lo­gııa­larynyń damýy el bola­shaǵy úshin strategııalyq ma­ńyzdy baǵytqa aınalýǵa tıis. Osyǵan oraı Memleket basshysy elimiz­de kem degende 3 joǵary oqý orny osy salamen aınalysýy kerektigin de tapsyrǵan bolatyn. Qyzylor­da­daǵy jasandy ıntellekt mektebi – osy tapsyrma aıasynda júzege asqan alǵashqy joba.

Jergilikti ýnıversıtettegi bul jańalyq – elimizdiń bilim keńistigindegi úlken jetis­tik. Osy arqyly ekonomıka, aýyl sharýa­shylyǵy salasynda joǵary kórsetkishterge qol jetkizý­den bólek, bilim, ǵylym, IT-tehnologııa, kıber­qaýipsizdik jáne kompıý­terlik ǵylymdar baǵy­tynda da bastamalar júze­ge aspaq.

Osylaısha, byltyrǵy qyr­kúıekten IT-mamandyqtary boıynsha oqýǵa qabyldanǵan, SeýlTeh baǵdarlamasy bo­ıynsha iriktelip alynǵan 1-kýrs stýdentteri til úırenýdi bastady. Qazir olar jalpy bilim beretin pánderdi oqyp, aǵylshyn jáne koreı til­de­rinde jedeldetilgen til úıre­tý kýrstarynan ótip jatyr. Stýdentterdi koreı tiline Ońtús­tik Koreıadan kelgen erik­ti muǵalimder oqytady.

Bolashaqta stýdentter men professorlyq-oqytýshylar qu­ra­my akademııalyq utqyr­lyq jáne birlesken bilim baǵ­dar­lamalary boıynsha Seýlde ǵylymı taǵylym­da­ma­dan óte alady. Sonymen qatar bilim men tájirıbe almasyp, bıznes-ınkýbatorda star­taptar jasaý úshin SeýlTeh oqytýshylary Qyzylordaǵa shaqyrylady. Eki oqý orny arasyndaǵy kelisim boıynsha túlekter jergilikti ýnıversıtetten bólek SeýlTeh dıplomyn ıelenedi. Atalǵan maman­dyqtarǵa arnalǵan zamanaýı zert­hanalar jasaqtalyp, olar Koreıada shyqqan serverler, ozyq jabdyqtar jáne baǵdar­lamalarmen qam­ty­lady.

Jalpy, Koreıa IT salasy qaryshty damyǵan memleketter qatarynda tur. Ozyq tehnologııalar óndirisi boıynsha da álemde aldyńǵy orynda. Búginde 1910 jyly qurylǵan Seýl ulttyq ǵylym jáne tehnologııa ýnıversıtetinde 13 myńǵa jýyq stýdent bilim alady. 23 fakýltet, 6 kolledji men jeke tehnoparki bar ýnıversıtet – sol eldegi irgeli oqý oryndarynyń biri.

Mamandar IT-mamandyq­tardy engizý arqyly kóptegen jas­ty jumyspen qamta­masyz ete alatynymyzdy aıtady. Zamanaýı básekege qabi­letti joǵary oqý ornynyń qu­rylýy adamı kapıtaldyń qa­­lyp­ta­sýy­na yqpal etip, Qy­zyl­or­da oblysynyń áleý­met­­tik-ekonomıkalyq damýyna oń áserin tıgizedi.

Osy kúni aldaǵy 10-20 jyldan keıin kóptegen maman­dyq joıylyp, olardyń ornyn úderisterdi avtomattandyrý basatynyn boljaıtyndar kóp. Al Syrdaǵy jasandy ıntellekt mektebi – osy ozyq teh­nologııaǵa jol salatyn soqpaq.

Qyzylorda