Men Kókshetaý qalasyndaǵy №6 saılaý ýchaskesindegi saılaý barysyna «Nur Otan» partııasynan baıqaýshy bolyp qatystym. Saǵat týra 7.00-de komıssııa tóraǵasy, №1 orta mekteptiń dırektory Irına Golovchenko jyly shyraımen qarsy alyp, «Qazaqstan Respýblıkasyndaǵy saılaý barysyn baqylaý jónindegi respýblıkalyq qoǵamdyq komıssııanyń» múshesi Vıktor Geı jáne prezıdenttikke úmitker Á.Qusaıynov shtabynyń múshesi Serik Esmaǵambetov úsheýmizdi arnaıy orynǵa ornalastyrdy.
Qazaqstan Respýblıkasynyń Ánurany oryndalyp, jurtshylyqtyń kózinshe bıýlletender saqtalǵan seıftiń ashylýyna, móldir daýys berý jáshiginiń mórlenýi rásimine qatysyp, osyndaǵy bes daýys berý kabınasyn baıqap shyqtyq. Komıssııa músheleri turǵyndardy tizim boıynsha tólqujattarymen tekserip, bıýlleten alǵandyǵy jóninde arnaıy jýrnalǵa qoldaryn qoıdyryp otyrdy. Kelýshiler tarapynan qandaı da bir túsinispeýshilik, artyq suraqtar qoıý baıqalǵan joq. Daýys berý uıymshyldyq jaǵdaıynda ótkizile bastady.
Ýchaskelik komıssııa tarapynan konstıtýsııalyq zańnamanyń qatań saqtalǵanyn aıtý lázim. Bul daýys berýdiń óz dárejesinde ótýine yqpal etti. Belsendilik te joǵary boldy. Saǵat 16.00-degi málimet boıynsha daýys berýshilerdiń 87 paıyzy ózderiniń azamattyq paryzyn ótep úlgerdi. Sondaı-aq, saılaý ýchaskesinde býfettiń jumys isteýi, mektep pen qala ónerpazdarynyń konserttik baǵdarlamasynyń qoıylýy merekelik kóńil-kúıdi ósire tústi.
Boranbaı BEGALIN,
Kókshetaý qalalyq máslıhatynyń hatshysy, qoǵamdyq baıqaýshy.
Eshqandaı zań buzýshylyq tirkelgen joq
Eń aldymen Táýelsiz eldiń prezıdenttik saılaýyn ótkizýdiń ózi úlken baqyt degen oıdamyn. О́ıtkeni, álemde egemendigin ańsap, óz aldyna jeke el bolyp, Memleket basshysyn ózderi saılaýdy armandap júrgen qanshama halyq bar. Al bizdiń jurt azattyǵyn alyp, óz basshysyn ózi saılaı alatyn kúnge osydan shırek ǵasyr ýaqyt buryn qol jetkizdi. Bul túsingen adamǵa zor mártebe. Osyndaı saıası doda kezinde Qyzylorda oblysy Shıeli aýdanyndaǵy №294 saılaý ýchaskesinde baıqaýshy boldym. Tańǵy saǵat 7.00-de ýchaske saılaýshylardy qabyldaýǵa daıyn turdy. Memlekettik Ánuran oryndalǵannan keıin alǵashqy saılaýshylar daýys bere bastady. Barlyq jumys «Saılaý týraly» Zańnyń aıasynda ótti. Oǵan elimizde tirkelgen saıası partııalar men úkimettik emes uıymdardyń ókilderi saılaý barysyn jiti baqylady. Onyń syrtynda halyqaralyq jáne TMD sheńberinen kelgen baıqaýshylar da saılaý prosesin nazarda ustady. Eń bastysy, halyqtyń saılaýǵa degen yntasy zor boldy. Jurt eldiń eń úlken saıası naýqanynda asa úlken belsendilik tanytyp, saılaýǵa bir kisideı atsalysty. Daýys berý kezinde eshqandaı aryz-shaǵym túsken joq. Birde-bir zańsyzdyq, saılaýshylardyń quqy buzylǵan faktiler tirkelmedi. Saılaý óte joǵary deńgeıde ótti dep senimdi túrde aıta alamyn. Dastan ERNAZAROV, № 294 saılaý ýchaskesiniń baıqaýshysy. Qyzylorda oblysy.Demokratııalyq qadamdy tereńdetýdiń kórinisi
Shyny kerek, mundaı asa mańyzdy saıası sharaǵa baıqaýshy retinde birinshi ret qatysqandyqtan, qobaljyǵanym ras. Biraq aldyn ala tııanaqty ázirlikterdiń júrgizilýi kóńildegi kúdikti seıiltip, senimimdi qataıtty. «Saılaýǵa baqylaý jasaý jónindegi respýblıkalyq qoǵamdyq komıssııa» oblystyq fılıalynyń tóraǵasy Sergeı Hýdıakov árqaısymyzben jeke sóılesip, naqty baǵyt-baǵdarlar berdi. Semınar-trenıngterdiń paıdasy mol boldy. Teorııalyq bilimimizdi nyǵaıttyq, tájirıbemizdi baıyttyq. Saılaýaldy máselelerge jan-jaqty qanyqtyq. Qolymyzǵa ádistemelik materıaldar, kómekshi quraldar berilip, zańnamalyq normalardyń qatań saqtalýyna basa nazar aýdaryldy. Qazir oı eleginen ótkizip otyrsam, «kóz – qorqaq, qol – batyr» degendeı, bári de adamnyń jeke jigerine, qoǵamdyq belsendiligine kóp baılanysty eken. Maǵan tańdaý túskende, birden kelisimimdi berdim. О́ıtkeni, biz, jastar, qolymyzdan is keletinin, kez kelgen saıası sharalardy zańdy túrde júzege asyra alatynymyzdy dáleldeı bildik. Jeke adamnyń ustanǵan maqsaty da, kásibı biliktiligi osyndaı naqty jaǵdaılarmen ólshense kerek. Osy turǵydan alǵanda, qoǵamdyq baqylaýshy mártebesin ıelengenime esh ókinbeımin. Meniń kúni boıǵy mıssııam № 635 saılaý ýchaskesinde jalǵasyp, basqa da qoǵamdyq uıym ókilderimen birlese otyryp, olqylyqtardyń oryn almaýyn qadaǵaladyq. Barlyq úderister zańǵa sáıkes atqarylyp, saılaýshylar tarapynan birde-bir renish aıtylǵan joq. Halyqaralyq baıqaýshylar da bolyp, jalpyǵa ortaq demokratııalyq talaptardyń saqtalǵanyn jetkizdi. Qazaqstandaǵy saılaý Reseımen qatar ózge de elderdi qyzyqtyryp otyrǵanyn jasyrmady. Bizdiń oı-pikirlerimiz de osyǵan saıady. Bir jaǵynan, saıası naýqandy uıym- dastyrýshylardyń tynym- syz tirligi, ekinshi jaǵynan, jumystardyń júıeliligi, aqparattandyrý qyzmetteriniń jedeldigi, sondaı-aq, elektorattyń joǵary belsendiligi tánti etti. Osylaısha, baıqaýshylarǵa qoıylǵan bıik talaptardyń arqasynda ózimizge júktelgen mindetterdi barynsha jaýapkershilikpen atqarýǵa kúsh saldyq. Saılaý ýchaskesi ashylǵan kezden bastap, jabylǵan kezge deıin saılaý úderisterin úzbeı qadaǵalap, saıası naýqannyń ashyq ta móldir ótýine birinshi kezekte basymdyq berildi. Saılaýdyń óz dárejesinde uıymdastyrylýyna úles qosqanymyzdy demokratııalyq qadamdy tereńdetýdiń biri kórinisi retinde baǵalaımyn. Ásel SAPARǴALI, qoǵamdyq baıqaýshy. PETROPAVL.Qoǵamdyq komıssııa músheleri kóp boldy
Bul jolǵy saılaýdyń ereksheligi – respýblıkalyq qoǵamdyq komıssııa músheleriniń kóptep tartylýy. Máselen, elimizdegi 9741 saılaý ýchaskesiniń barlyǵyna derlik komıssııa músheleri baıqaýshy bolyp, naýqannyń ashyq ári barlyq talaptarǵa saı ótýin qadaǵalady. Komıssııa quramynda qoǵam qaıratkerleri, saıasatkerler, ǵalymdar men sarapshylar, bıznesmender, dárigerler bar. Komıssııa músheleri Sultanmahmut Toraıǵyrov atyndaǵy memlekettik ýnıversıtettegi №86 saılaý ýchaskesinde jumys jasady. Pavlodarlyqtardyń joǵary belsendiligi baıqaldy. Ekinshiden, 2011 jylǵy saılaýmen salystyrsaq, azamattyq pozısııasyn bildiremin deýshiler qatary anaǵurlym artqany aıqyn seziledi. №6 saılaý ýchaskesine tańerteń saılaýǵa alǵash ret kelgen 22 jas óz daýystaryn berdi. Jalpy, pavlodarlyqtar saılaýǵa kóterińki kóńil-kúımen qatysty. Ildar QALIEV, prezıdenttik saılaý barysyn baıqaý jónindegi respýblıkalyq qoǵamdyq komıssııanyń oblystyq fılıalynyń tóraǵasy. PAVLODAR.Úlken uıymshyldyq tanytty
Vıtalıı HMELEVSKII, qoǵamdyq baıqaýshy: – Men oblystaǵy etnomádenı birlestikter atynan saılaýdyń ótý barysyna baıqaýshy bolyp qatystym. О́zim biraz jyldan beri polıaktardyń oblystyq «Polonııa» qoǵamyna jetekshilik etip kelemin. Buǵan deıin de baıqalyp júrgendeı aımaǵymyzdaǵy 100-den astam ulttar men ulystar arasyndaǵy dostyq pen tatýlyq osy saılaý kezinde taǵy bir aıǵaq boldy. Ortaq maqsat pen tilek júrek toǵystyrǵan san etnos ókilderi daýys berýge úlken uıymshyldyq tanytty. О́ıtkeni, bári eldiń jarqyn kelesheginiń kepili birlikte ekenin biledi. Sonyń jalǵasyp, berige túsýine senedi. Bizdi bıylǵy saılaýdyń óte joǵary deńgeıde uıymdas-tyrylýy súısindirdi. Daýys berýshilerdiń óz tańdaýyn eshteńege alańdamaı, salmaqty baıyppen jasaýyna barlyq jaǵdaı qarastyrylǵanyn saılaý ýchaskeleri bárinen baıqadyq. Halyqaralyq baıqaýshylarmen qatar, jergilikti baıqaýshylar da kórsetilgen senimnen shyǵýǵa múmkindik aldy. Kólikpen de, telefon baılanysymen de qamtamasyz etý, qajetti aqparatqa shek qoıylmaý mindetimizdi tııanaqty atqarýǵa jaǵdaı týǵyzdy. Elimiz damýdyń jańa kezeńine qadam basty. Nyq bolaryna senemiz. QARAǴANDY.
