Foto: qazaqpress.kz
Jıynǵa qatysýshylar seriktestikti damytýdyń negizgi baǵyttaryn aıqyndap, «Huawei» kompanııasynyń sońǵy jańalyqtary men sheshimderin talqylady.
«Keıingi onjyldyqta biz zertteýler men ázirlemelerge 160 mıllıard dollar kóleminde úlken qarajat saldyq. О́tken jyly kompanııanyń satý kólemi 99,4 mıllıard dollardy qurady, bul bizdiń naryqtaǵy áleýetimizdi jáne qarjylyq múmkindikterimizdi kórsetedi. 2024 jyly jelimizge 59 jańa kompanııany qosýdy josparlap otyrmyz. Bul ádettegi kórsetkishten 114 paıyzǵa artyq», dedi «Huawei Technologies Kazakhstan» bas dırektory Chjao Sıýı.
Jıyndaǵy basty taqyryptardyń biri Wi-Fi 7 sheshimin iske qosý týraly boldy.
«2024 jyldyń sońyna qaraı naryqqa 200 mıllıonnan astam Wi-Fi 7-ni qoldaıtyn qurylǵylar shyǵady. Bul – bizdiń korporatıvti klıentterimizge jumys tıimdiligin edáýir arttyrýǵa múmkindik beretin symsyz tehnologııalardy damytýdyń jańa kezeńi. Wi-Fi 7 kómegimen kompanııalar bıznes-mindetterdi tezirek jáne sapaly sheshe alady», dedi «Huawei Technologies Kazakhstan» sheshimderdi satý bóliminiń dırektory Ge Lıan.
Konferensııada «Huawei»-diń jetekshi sarapshylarynyń baıandamalary usynyldy. Olar sıfrlyq transformasııa salasyndaǵy bilimderi men tájirıbelerin bólisti. Jasandy ıntellektini utymdy qoldaný, turaqty damý jáne jańa tehnologııalardy qoldanystaǵy bıznes-modelderge ıntegrasııalaý máselelerine erekshe nazar aýdaryldy.
«Huawei» óz seriktesterin únemi qoldap otyrady. Birlesip jumys isteý, sapaly mamandardyń biliktiligin arttyrý jáne resýrstarǵa ınvestısııa salý ózara tabysqa jetýge yqpal etetinine senimdimiz. Bizdiń maqsatymyz – seriktesterge óz bıznesterin aıtarlyqtaı damytyp, qoǵamǵa eń paıdaly ári tıimdi sheshimderdi usyna alatyndaı barlyq qajetti quraldardy usyný», dedi »Huawei Technologies Kazakhstan» seriktesterimen jumys jónindegi menedjer Rýslan Ábilǵazın.
