Ashylý saltanatynda Qazaqstan týyn voleıboldy otyryp oınaýdan ulttyq qurama múshesi Berik Izmaǵanbetov pen para nysana kózdeýden Sevda Alıeva ustap shyqty.
Jazǵy Paralımpıada básekesi Fransııa astanasynda alǵash ret ótkizilip otyr. Jarysqa 4400-den astam sportshy qatysady. Olarǵa 2500 adam kómektesedi. Saıys baǵdarlamasyna 22 sport túri men 549 dıssıplına engen. Al oıyndar 11 kúnge jalǵasady. Bıylǵy baǵdarlamaǵa jańa sport túrleri qosylmaǵan. Alaıda Tokıo-2020 oıyndarynyń baǵdarlamasyna engen para badmınton qaıta usynylyp otyr.
Parıjdegi Paralımpıadaǵa Qazaqstan quramasynan 44 sportshy synǵa túsedi. Bul – el tarıhyndaǵy rekordty kórsetkish. Tokıo-2020 oıyndarynda el namysyn 26 sportshy qorǵaǵan bolatyn. El sportshylary oıyndarǵa 1996 jyldan beri turaqty túrde qatysyp keledi.
Bıylǵy Paralımpıadada Qazaqstan ulttyq quramasynyń sportshylary 9 sport túrinen (para dzıýdo, para paýerlıftıng, para taekvondo, para jeńil atletıka, para nysana kózdeý, para ústel tennısi, para júzý, para kanoe jáne voleıboldy otyryp oınaý) synǵa túsedi. Osy jyly el sportshylary para ústel tennısinen jáne áıelder arasynda para kanoeden alǵash ret Paralımpıada lısenzııasyn jeńip aldy.
El sportshylary búginnen bastap jarys jolyna shyǵady. 29 tamyzda Mılana Krasavseva para taekvondodan óner kórsetedi, al keshke voleıboldy otyryp oınaýdan Qazaqstan quramasy Fransııamen sheberlik baıqasady.
