Foto: Astana ákimdigi
Astana qalalyq ákimdigi men «Astana jastary» eriktileri «Petro Retail» kompanııasynyń Qazaq oil brendimen birlesip ótkizgen bul qaıyrymdylyq is-sharasynda elordanyń ár aýdandaryndaǵy az qamtylǵan, kópbalaly, múmkindigi shekteýli bala tárbıelep otyrǵan otbasylarǵa 1000 qorap azyq-túlik taratyldy. Is-sharaǵa 100-ge jýyq erikti qatysty.
«Konstıtýsııa kúnine oraı ótkizilip otyrǵan bul qaıyrymdylyq is-sharasy 3 jyldan beri ótkizilip keledi. Dástúrli túrde ótkizilip kele jatqan is-shara aıasynda qazirge deıin 7000-ǵa jýyq azyq-túlik sebetteri taratyldy. Búgin de bas qaladaǵy aýdandardyń muqtaj otbasylaryna 1000 qorap azyq-túlik jetkizildi. Onyń ishinde un, kúrish, sút, as maıy sııaqty azyq-túlikter bar. Mundaı qaıyrymdylyq is-sharalary memlekettik jáne ulttyq merekelerde udaıy ótkizilip keledi», dedi Astana qalasy «Astana jastary» kommýnaldyq memlekettik mekemesiniń qyzmetkeri Oljas Hamıtov.
Almaty aýdanynyń turǵyny Gúlzııa Kashkova atalǵan is-sharany uıymdastyrýshylarǵa zor rızashylyǵyn bildirdi.
«Mereke saıyn kómektesip, jaǵdaıymyzdan habardar bolyp turady. Jańa oqý maýsymy bastalatyn kezde de balalarymyzǵa oqý quraldaryn, jetkizip beredi. Bul da men sııaqty múmkindigi shekteýli bala tárbıelep otyrǵan otbasylarǵa úlken medeý. Alǵystan basqa aıtarymyz joq», dedi Gúlzııa Kashkova.
Mundaı aksııa Astanada jyl sońyna deıin uıymdastyrylady.
