Bul baspanalar sý tasqynynan zardap shekkenderge der kezinde kómek kórsetýdi tapsyrǵan Memleket basshysy Qasym-Jomart Toqaevtyń aıtýymen salynǵan.
Ańqaty aýylyndaǵy úıler «Jaıyqmunaı» JShS demeýshiligimen turǵyzyldy. Merekelik is-sharaǵa Batys Qazaqstan oblysynyń ákimi Narıman Tóreǵalıev qatysty. О́ńir basshysy aýyl turǵyndaryn qonystoımen quttyqtap, úılerdiń kiltin tabys etti.
«Memleket basshysynyń tapsyrmasyna sáıkes sý tasqynynan zardap shekken halyqqa zań aıasynda tıisti kómek kórsetilip jatyr. Kóktemgi sý tasqyny nátıjesinde Terekti aýdany boıynsha barlyǵy 160 úı apatty dep tanylyp, 30 úı satyp alynyp, 130 úıdiń qurylysy júrgizildi. Qurylys jumystaryna qoldaý kórsetken demeýshiler men kompanııalarǵa shyn júrekten alǵysymdy bildiremin», dedi N.Tóreǵalıev.
Ańqaty turǵyndary kórsetilgen qoldaýǵa rızashylyǵyn bildirdi.
«Sý tasqynynan otbasymyz ábden ábigerge tústi, biraq memleket bizdi dalada qaldyrǵan joq. Mine, biz búgin jańa, keń, jaryq úıimizge kirip otyrmyz. Qoldaý kórsetip, qamqorlyq tanytqan Memleket basshysyna myń alǵys», dep aýyl turǵyny Serikqalı Tórálıev aǵynan jaryldy.
Búginge deıin oblysta myńnan asa turǵyn úı satyp alynyp, zardap shekken otbasylarǵa berilgen. Sý tasqynynan zardap shekken oblys turǵyndary Bórli, Syrym, Terekti, Báıterek aýdandaryndaǵy 253 úıdiń kiltin aldy. Jalpy, Batys Qazaqstan oblysynda zardap shekkenderge 775 turǵyn úı salyndy.
