Foto: Ashyq derekkóz
Jańa 2024-2025 oqý jylynda elimizde 3,9 mıllıonnan astam oqýshy mektepke barady, onyń 352-si - birinshi synyp oqýshylary.
Aıta keteıik, bıyl kúrdeli jóndeýden ótken 178 mektep 1 qyrkúıekte ashylmaq. Jańǵyrtý jumystary júrgizilgen 1 myńǵa jýyq aýyldyq orta bilim berý mekemesi de óz jumysyn bastaıdy. Sonymen qatar Memleket basshysynyń tapsyrmasy boıynsha 1,7 mln oqýshy tegin ystyq tamaqpen qamtylady, bul ótken jylmen salystyrǵanda 300 myń balaǵa artyq. Áleýmettik jaǵynan osal otbasylardan shyqqan 510 myńnan astam oqýshy oqý quraldaryn satyp alýǵa kómek alǵan.
Eske sala keteıik, bıyl ınklıýzıvti mektepterdiń úlesi 88%-ǵa, al balalardy arnaıy qoldaýmen qamtý deńgeıi 80%-ǵa deıin ósti. Sondaı-aq, pılottyq rejımde psıhologııalyq-pedagogıkalyq qoldaýdyń úsh deńgeıli modeli engizilip, erekshe qajettilikteri bar balalarmen jumys isteýge arnalǵan qoldaý kabınetteri men jeke baǵdarlamalarǵa jańa talaptar ázirlengen.
Sonymen qatar 1 qyrkúıekten bastap 300 myńnan astam kolledj stýdentiniń shákirtaqysy 50%-ǵa artady.
