Foto: senate.parlam.kz
Senator Joldaýda halyq kókeıindegi máseler kóterilgenin aıtty.
«Memleket basshysynyń Joldaýy - baǵyt-baǵdardy aıqyndaıtyn negizgi qujattyń biri. Astana qalasynda orta jáne shaǵyn kásip ıelerimen kezdestim. Kezdesýde Salyq kodeksine qatysty másele qozǵaldy. Kásipkerler Salyq Kodeksiniń jobasymen tanysyp, áli de shıki tustary kóp ekenin aıtqan edi. Ashyq hat ázirlep, Salyq kodeksin qabyldaýdy keıinge qaldyrý týraly bastama kótergileri keletinin de jetkizgen edi. Joldaý shaǵyn jáne orta kásipkerlerdiń suranysyna jaýap boldy. 1 jyldyń ishinde bul qujatty kásipkerlerdiń ózimen birlese otyryp talqylap, tıimdi jumys isteıtin qujatqa aınaldyrýymyz kerek dep oılaımyn. Bul asa mańyzdy sheshim boldy», dedi Bıbigúl Jeksenbaı.
Sondaı-aq Prezıdent Joldaýda medısına salasyna bólingen 3,3 trıllıon teńgeniń nátıjesi joq ekenin atap ótti. Bul turǵyda depýtat MÁMS-tiń ár tıynyn baqylaýdy kúsheıtý usynysyn qoldaıtynyn aıtty.
«Elimizdegi ótkir, halyq kóp shaǵymdanatyn másele - medısınalyq saqtandyrý qorynyń jumysy. Astana qalasynda jekelegen adamdardan túsetin jarna bıyl tómendep ketkeni aıtyldy. Bul MÁMS-ke degen halyq senimi azaıǵanyn kórsetedi. Sondyqtan MÁMS jumysyn ashyq etý, ár tıynynyń durys jumsalýyn qadaǵalaý asa qajet. Prezıdent memleket tarapynan kórsetiletin kómek pen qor tarapynan kórsetiletin medısınalyq kómektiń arajigin ajyratyp halyqqa ashyq kórsete alsaq, halyqtyń medısınalyq-profılaktıkalyq sharalardy alýyna múmkindik ashylatyn edi», dedi senator.
Bıbigúl Jeksenbaı AES-tiń orasan zor múmkindikterine qatysty halyqqa kóbirek aqparat berý mańyzdy ekenin tilge tıek etip, aqparat az bolǵan soń, adamda fobııa paıda bolatynyn eskertti.
