Ovarıden olja kútip tur

Ertis – Baıan óńiriniń sportshylary Dúnıe­júzilik kóshpeliler oıynyna bilek sybanyp daıy­n otyr. Sportshylar asyq atý, ordo (asyq atýǵa uqsas oıyn), qurash (qyr­ǵyz kúresi), aba (túrik kúres túri) jáne ovarı boıynsha synǵa túsedi. Atap aıtqanda, Serik Aqtaev pen Ernur Mereshev ovarıden, Jomart Nurlanov pen Kerim Jazdyqbaı asyq atýdan, Saıat Qızat ordodan, aba boıynsha Muhtar Dálelhanuly, qurashtan Altynaı Nurhanova jarys jolyna qosylady.

Toǵyzqumalaqtan 3 dúrkin Álem chempıony, Qazaqstannyń  Eńbek sińir­gen sport sheberi Serik Aq­taev otan­dyq oıynshy­lar­dyń ovarıden olja salatyn múm­kindigi zor dep esepteıdi.

– Ovarıdi 2008 jyldan beri oınap kelemin. Ovarı toǵyz­qumalaq tektes oıyndarǵa jata­dy. Oıyn taqtasynda 12 otaý, 2 qazan, 48 tas bolady. Negiz­gi maqsaty – 25 tas jınap, qar­sylasty utý. 24 tastan shyqsa, teń oıyn bolady. Qarsylasta júris taýsylǵan kezde ony jú­rýge májbúrleý taktıkalary da qarastyrylǵan. Bul oıyn Afrıka elderinen shyqqan. Bıyl­ǵy jarysqa álemniń úzdik ovarı oıynshylary qatysady, – deıdi sportshy.

S.Aqtaev keıingi 16 jylda ovarıden álemdik deńgeıde ótken 24 halyqaralyq jarysqa qatysyp, sonyń teń jartysynda jeńimpaz atanǵan. Al ózgesinde úzdik úsh­tikten tómendep kórmepti. Qa­zir­gi maqsaty – 8-13 qyrkúıek kúnderi Astana qalasynda ótetin Dúnıejúzilik kóshpeliler oıyndarynda ulttyq qurama komandasy qatarynda barynsha táýir oıyn órnegin kórsetý.

Al Qaıyrbaev atyndaǵy ult­tyq klýbtyń dırektory Dar­han Jolamanov óńirimizdiń sportshylary babynda ekenin aıtady.

Pavlodar oblysy