KEShE...

...MEMORANDÝMǴA  QOL QOIYLDY Jambyl oblysynyń ákimi Qanat Bozymbaev pen “Qaz­Trans­Gaz” AQ bas dırektory Serik Sultanǵalıev oblys ákimdigi júzege asyratyn, 2015 jylǵa deıin óńirdi gazdandyrýdyń ke­shendi baǵdarlamasyn iske asyrý­dyń tıimdi jáne ekijaqty utym­dy baılanysyn, strategııalyq áriptestikti jáne ony uzaq mer­zimdi ornyqtyrýdy qarastyratyn ózara qyzmet týraly memoran­dýmǵa qol qoıdy. Memorandýmǵa sáıkes, tarap­tar oblystaǵy 140-qa jýyq eldi me­kendi gazdandyrýdy (quny 5 mıl­lıard teńgeden astam) odan ári jalǵastyrýǵa kelisti. Jumys istep turǵan gaz úlestirý júıesin res­pýb­lıkalyq jáne jergilikti bıýd­jet qarajatynan jańǵyrtý jáne qaıta qurý jobalaryn gaz­dan­dyrýdy qarjylandyrý jáne birlesip qarjy bólýdi qamtamasyz etý sharalaryn qoldaný, ınves­tı­sııa men basqa da qarjy kózderin tartýdy, bekitilgen zańnamalyq tártipte jańadan salynǵan ny­san­dardy gazdandyrý úshin, olar­dy odan ári paıdalaný mindetteri aıqyndaldy. Sondaı-aq “Kaz­Trans­Gaz” AQ jabdyqtaý jáne aımaqtaǵy 2030 jylǵa deıingi áleýmettik-ekonomıkalyq damý baǵdarlamasyn eskere otyryp, oblystaǵy gaz tutynýshylarynyń boljaýyn berý týraly ózara kelisim jasaldy. Kósemáli SÁTTIBAIULY. Jambyl oblysy. ______________ ...О́ŃIR KÁSIPKERLERI BAS QOSTY Keshe “Bıznestiń jol kartasy – 2020” baǵdarlamasy aıasynda semınar ótkizilip, oǵan Ekonomı­ka­lyq damý jáne saýda mınıstr­ligi Investısııa departamentiniń dırektory, oblystaǵy kásip­ker­lik jáne ónerkásip basqarma­sy­nyń, “Damý” kásipkerlikti damytý qorynyń jáne bank tóraǵalary men jer-jerden kelgen kásip­kerler qatysty. 2020 jylǵa deıingi Stra­te­gııa­lyq damý josparyn júzege asyrý baǵytynda arnaıy baǵdarlama ázirlenip, údemeli ındýstrııalyq-ınnovasııalyq qurylym mehanız­min damytýǵa paıyzdyq ústemesi az qarjy bólingeni ortaǵa sa­lyn­dy. “Bıznestiń jol kartasy – 2020” baǵdarlamasy eki kezeńmen júzege asyrylatyn bolsa, olar 2010-2014 jáne 2015-2020 jyl­dardy qamtyp, jobaly jumystar qolǵa alynatyndyǵy aıtyldy. Baǵdarlamany júzege asyrý úshin óńirde bıyl 973 mln. teńge qarjy bólinip, bıznes bastamalardy qol­daý, kásipkerlik sektordy saýyq­tyrý, shetelge taýar shy­ǵarý­shylardy qoldaý boıynsha qanatqaqty jumystar júzege asyrylatyn boldy. Kúmisjan BAIJAN. Almaty oblysy. ______________ ...10 JYLDYǴY ATAP О́TILDI Mádenıetti qoldaý jyly Pet­ro­pavl qalasynda oblystyq qazaq-sazdy drama teatry otaý tigip, tusaýyn Elbasy N.Nazar­baev kesken bolatyn. Almatydaǵy T.Júrgenov atyndaǵy ulttyq óner akademııasy teatr fakýl­te­tiniń 25 túlegi ónerdegi alǵashqy qadamdaryn Qyzyljardyń qa­sıetti jerinen bastap, búginde shyǵarmashylyq ujymnyń negizin qurap otyr. Ujym músheleriniń esimderi búginde úlken qurmetpen atalady. Bulardyń birqatary – túrli baıqaý laýreattary. Teatr trýppasynyń jeńisti joldary – óz aldyna bir tóbe. Respýblıka­lyq, halyqaralyq festıvalderde joǵary oryndardan kórinip júr. Teatr janynda kameralyq orkestr, ulttyq bı toby, jas rejısserler klýby jumys isteıdi. Mereıli oqıǵaǵa oraı oblys ákimi Serik Bilálov quttyqtaý hat joldap, syı-sııapat kórsetti. A.Qapezov, B.Shaımerdenov, B.Ábil­májinov sekildi kásip­ker­ler de myrzalyq tanytty. Osy kúni petropavldyqtar teatr ártisteriniń ónerin qyzyǵa tamashalady. О́mir ESQALI. Soltústik Qazaqstan oblysy.