«Ortekemen» rekord ornatty

«Orteke» arnaıy ja­salǵan tuǵyrǵa ornatylyp, dombyrashynyń saýsaǵyna jippen baılanady. Kúıshi aspapta oınaı bastaǵanda, perne basqan saýsaqtardyń qozǵalysymen qýyrshaq ta tyqyldap bıleı jóneledi.

Byltyr qazaqtyń «Or­teke» bıi IýNESKO-nyń ma­terıaldyq emes qundy­lyq­tar tizimine qosylǵan bolatyn. Bul da ulttyq mádenıetimizdiń týyndylaryn álem moıyndaı bastaǵanynyń kórinisi. «Orteke» bıinen el rekordyn or­natý ıdeıasyn Pavlodar qalasynyń ákimdigi usynǵan.

– «Orteke» bıin jas­tar arasynda, sonyń ishin­de oqýshylarǵa tanytý maq­satynda Konstıtýsııa kú­nine oraı ári Dúnıejúzilik kóshpeliler oıyny qarsańynda 100 balǵyn dombyrashyny shaqyryp, osyndaı ıgi mádenı sharany uıymdastyrdyq. Bul jerge kásibı dombyrashylardy da tartýǵa bolar edi. Deıturǵanmen, tańdaýymyz ónerde jolyn endi bastap jatqan jas órenderge tústi. Ákimdiktiń tapsyrys berýimen sheberler 100 ortekeni arnaıy jasap berdi. Bul buıymdar keıin jer­gilikti mýzykalyq mektepter men mýzy­ka­lyq kol­ledjge, ózge mektepter men balalar klýbtaryndaǵy dom­byra úıir­me­lerine taratyp beriledi, – deıdi Pavl­odar qalasy ákiminiń keńesshisi Da­nııar Jumadilov.

Jas dombyrashylardyń ónerin jer­gilikti kórermen Ertis ózeni jaǵa­laýynda or­nalasqan «Ertis Promenade» sah­nasynda tamashalady. El rekordyn ornatýǵa Pav­lodar qalasyndaǵy Qur­manǵazy atyndaǵy balalar mýzyka mektebi, mýzy­kalyq kolledj-daryn­dy ba­lalarǵa arnalǵan mýzy­ka­lyq-mektep ınternat keshe­ni, «Jiger» balalar-jas­­óspirimder klý­bynyń óner­pazdary qatysty.

Mýzykalyq kolledj-daryndy bala­larǵa arnalǵan mýzykalyq-mektep ınter­nat kesheniniń basshysy Serik Syzdyqovtyń sózinshe, «Or­teke» – kúıshilik ónerdegi tartymdylyq ári kórnekilik úshin qoldanylatyn janr.

– Kúıshilik ónerde júrgen she­ber dombyrashylar «Or­tekeni» kóneden beri sheber bılete bilgen. Ekinshi ja­­ǵy­nan, balalarǵa arnal­ǵan shy­ǵarmalardy dá­rip­teýge taptyrmas óner túri. Hal­qymyzdyń ta­bı­ǵat­qa jaqyndyǵyn, ja­baıy ja­nýarlarǵa degen qam­qor­lyǵyn tanytatyn ereksheligi de bar. Bilim uıymdary ónerli balalardyń basyn qo­syp, ortekelerdi bılete otyryp, «Qa­­rajorǵa», «Salkúreń», «Sekirtpe» kúılerin sahnada sátti oryndap shyqty. Mun­daı rekordqa kóshpeliler oıy­ny qarsańynda qol jet­kizip otyrǵanymyzǵa qýa­nysh­­tymyz. Ertistiń Pav­lodar óńiri úshin bul – tarıhı is-shara, – deıdi Serik Qa­symhanuly.

(KINES) Qazaqstan rekordtar ki­tabynyń resmı ókili Qýandyq Qudaı­bergenov pav­lodarlyqtardy jańa rekordpen quttyqtap, atalǵan mektep­ter­diń ókilderine sertıfıkat tabys etti.

Pavlodar oblysy