Sapaly maman – salamatty eldiń kepili

Prezıdenttiń ult saýlyǵyna baı­lanysty sózderi oıǵa qonymdy boldy dep esepteımin. Aıtalyq, Mem­le­ket basshysy bilikti medısına mamandarynyń tapshylyǵy áli de ózek­tiligi joıylmaǵan máselelerdiń qatarynda ekenine erekshe nazar aýdar­dy. Memleketten taǵaıyndalatyn grant medısınany júrek qalaýymen tańdap, bilimi ozat, alǵyr jastarǵa beril­ýi qajet.

Bul baǵyttaǵy ju­mysty Astana medısına ýnıver­sıteti myqtap qolǵa alǵanyn aıta keteıin. Máselen, bıyl jańa oqý jylynda Densaýlyq saqtaý mınıstri Aqmaral Álnazarovanyń tikeleı qol­daýymen bilim shańyraǵy 4 stýdentter úıin paıdalanýǵa berdi. Munyń bári – shákirtterimizge sapaly bilim berip, jaıly orta qalyptastyrý baǵytynda atqarylǵan jumys. Tutas­taı al­ǵanda, bıyl Astana medısına ýnıversıtetinde tıisti jóndeý ju­mys­­tarymen 30 myńnan asa sharshy metr aýmaq qamtyldy. Mundaı aýqymdy jańǵyrtý buryn-sońdy bol­ma­ǵanyn atap ótken jón. Aıtalyq, Saryarqa kóshesindegi oqý korpýsy kúrdeli jóndeýden ótkizilip, jańarǵan akt zaly, zamanaýı kitaphana jáne «Soworking» ortalyǵy jastardyń ıgili­gine berildi. Buǵan qosa stýdentter jataqhanasynyń 2 bloginiń jóndeý jumystary aıaqtalýǵa jaqyn. Oqý jyly­nyń barysynda 1 blokte júr­gizi­lip jatqan jańǵyrtý jumys­tary sońy­na jetedi dep kózdelgen.

Zaman aǵymyna saı suranysqa ıe oqý baǵdarlamalary sátti iske qosyldy. Naqty aıtsaq, ýnıversıtette bakalavrıat, ınternatýra, rezıdentýra, magıs­tratýra jáne doktorantýra bo­ıynsha jalpy sany 10 myńnan asa adam, onyń ishinde álemniń 20 elinen myńnan artyq sheteldik stýdent bilim alyp, 65 joǵary jáne joǵary oqý ornynan keıingi bilim berý baǵ­dar­la­ma­sy tabys­ty iske asyp jatyr.

Keıingi 2 jylda neonatologııa, pedıat­­­rııa, hırýrgııa, akýsherlik jáne gınekologııa, terapııa, reanımasııa, ýltradybys­ty dıagnostıka jáne kishi mamandyqtar beıinderi boıynsha aýmaǵyn 2 myń sharshy metrge deıin keńeıte otyryp, 400-den asa jabdyq ornatý arqyly Sımýlıasııalyq ortalyq­ty tolyq jańǵyrtyp, halyqaralyq ınstıtýsıonaldy akkredıtteý júrgizildi.

Ýnıversıtet densaýlyq saqtaý kadr­laryn daıarlaýdyń barlyq deń­geıin­de bilim baǵdarlamalarynyń sanyn ulǵaıtý, onyń ishinde otan­dyq jáne sheteldik joǵary oqý oryndarymen birlesken eki dıplomdyq baǵdarlamalardy iske qosý arqyly oqý úderisin jetildirýdi jalǵastyrady. Ǵylymı ınfraqurylymdy damytý úshin jańa ǴZI ashý, sondaı-aq ujymdyq zerthanany qurý jáne vıvarııdi jańǵyrtý, kommersııalandyrý keńsesin qurý, bıyl ashylǵan endaýment-qordy tıimdi damytý, sondaı-aq barlyq bıznes-úderisti to­lyq reınjınırıng pen sıfrlandyrýdy aıaqtaý kózdelgen.

Búginde stasıonarly jáne ambý­la­­­torlyq-emhanalyq kó­mek kór­setý úshin 20-dan asa mama­n­dan­dy­ryl­ǵan bólim­sheni qarastyratyn, jalpy aýda­­ny 200 myń sharshy metrge jýyq, 800 orynǵa shaq­talǵan ýnıversıtettik klınıkany salý pysyqtalyp jatyr.

Bizdiń kózdegenimiz – emdelýshige, ıaǵnı adamǵa baǵdarlanǵan medısınalyq qyzmetti jolǵa qoıý jáne sol qyzmetti damytatyn myqty dárigerdi daıarlap shyǵarý.

Kamaljan NADYROV,

Astana medısına ýnıversıtetiniń basqarma tóraǵasy-rektor