Oblystyq bilim basqarmasynyń basshysy Marat Ábýovtiń aıtýynsha, 205 mektep ınternet jelisimen 99 paıyz qamtylǵan. Onyń ishinde 175 bilim ordasy talshyqty optıkalyq baılanys jelisine, ADSL tehnologııasyna arqyly – 20, radıoreleli baılanysqa – 3, spýtnık júıesine 7 mektep qosylyp otyr.
Alaıda 30 mekteptegi ınternet jyldamdyǵy 20 mbıt/s-ten tómen. О́ıtkeni 23 bilim oshaǵy ótkizý múmkindigi tómen tehnologııamen qosylǵan. Merdiger kompanııalar 7 mekteptegi ınternet jyldamdyǵyn arttyrý úshin jumys istep jatyr. 20 - 100 mbıt/s aralyǵynda 163 mektep, 100 mbıt/s joǵary 22 mektep bar.
Byltyr ınternetke ótkizý múmkindigi tómen tehnologııamen qosylǵan 42 mekteptiń tizimi jasaqtalǵan. Mundaı mektepter Jylyoı, Inder, Isataı, Qyzylqoǵa, Qurmanǵazy, Maqat aýdanynda bar. Qazir «Qazaqtelekom» AQ-men birge atalǵan aýdandardaǵy 13 bilim ordasyna talshyqty optıkalyq baılanys jelisi júrgizilip, «VOLS» júıesine qosylǵan. Al 26 mektep «Starlink» júıesine qosylyp otyr. Endi 3 mektepti qosý úshin «Respýblıkalyq ǵaryshtyq baılanys ortalyǵy» AQ-men kelisimshart jasaý qolǵa alynǵan.
«Jyl sońyna deıin 3 mekteptiń qurylysyn aıaqtaý kózdelip otyr. Al sabaq bastalǵan mektepter modıfıkasııalanǵan kabınettermen 100 paıyz qamtyldy. Ár jyl saıyn 25 mekteptiń kabıneti jańartylady. Bıylǵy oqý jylynda 25 mektepke 64 kabınet satyp alý josparlandy», deıdi Marat Ábýov.
Bilim kúni Atyraý qalasynyń mańyndaǵy Aqjar-2 eldi mekeninde №44 mektep-gımnazııa ashyldy. Munda bir aýysymda 600 oqýshy oqıdy. Onyń ishinde 1-synypqa qabyldanǵan 70 oqýshy bar.
Mektep-gımnazııa dırektory Abaı Aqmurzıevtiń aıtýynsha, tústen keıin qosymsha sabaqtar uıymdastyrý josparlanǵan. Bilim ordasynda 30-dan astam synyp, 10-nan asa zerthana kabıneti jasaqtalǵan. Munda aǵylshyn tili, lıngafon, alǵashqy áskerı daıyndyq kabınetterine qosa eńbekke baýlý sheberhanalary, atys tıri jabdyqtalǵan.
Qyzdarǵa arnalǵan sheberhanaǵa ashana jabdyǵy men tigin mashınkasy qoıylǵan. Al uldarǵa laıyqtalǵan sheberhana aǵash ustasy men tokar mamandyǵyn meńgerý úshin arnaıy stanoktar alynǵan.
Al Bereke aýylyndaǵy orta mektepte polısııa serjanty Shalqar Aqymǵalıev atyndaǵy kadet synyby ashyldy. Osy bilim ordasynda oqyǵan ol 5 jyl buryn Jaıyq ózenine batqan qyzdy qutqarý kezinde qaza tapqan edi. Anasy Lázzat Muqanovanyń aıtýynsha, Shalqar bala kúninen polısııa qyzmetkeri bolýdy armandaǵan. Áskerden oralǵannan soń Atyraý qalalyq polısııa basqarmasynda 5 jyl jumys istegen.
«Dosyńa, qyzmetińe adal bol. Ýádeńe berik bol, amanatqa qııanat jasama» deýshi edim. «Anashym, alańdamańyz, aıtqanyńyzdyń bárin oryndaımyn, bári siz aıtqandaı bolady», dep erkeleıtin edi. Jumysyn adal atqardy», deıdi anasy Lázzat Muqanova.
Ustazdarynyń aıtýynsha, mektepte alǵyrlyǵymen tanylyp, sabaqty jaqsy oqyǵan. Ásirese jaratylystaný baǵytyndaǵy pánderge qyzyǵýshylyǵy basym bolǵan. Kadet synybynda Shalqar Aqymǵalıevtiń ómirbaıany, ár kezeńdegi sýretteri, qyzmettik kýáligi men marapattary týraly málimetter qoıylǵan. Munda polıseıdiń kózi tirisinde tutynǵan buıymdary da bar.
Kadet synybyndaǵy alǵashqy dáristi polısııa kapıtany Rústembek Súndetov ótkizip, áriptesi Shalqar Aqymǵalıevtiń ómir joly men adamı qasıetteri, batyrǵa tán batyldyǵy, birge qyzmet atqarǵan jyldary týraly esteligimen bólisti. Sondaı-aq polısııa qyzmetkeriniń qoǵamdyq tártipti saqtaýdaǵy mindetteri týraly áńgimeledi. Ol Shalqar Aqymǵalıevpen birge Jaıyq ózenine batqan áıeldi qutqarýǵa atsalysqan.
Atyraý oblystyq polısııa departamentiniń baspasóz qyzmetinen málim etkendeı, buryn Shalqar Aqymǵalıev atyndaǵy kadet synyby Inder aýdanynda ashylǵan. Al búgin Jylyoı aýdanynyń ortalyǵy – Qulsary qalasyndaǵy №9 mektepte, Isataı aýdanyndaǵy bir bilim ordasynda ashylyp otyr.
Atyraý oblysy
