Prezıdent Jarlyǵymen nagradaǵa ıe bolyp, mereıi óskenderdiń bári – qarapaıym eńbek adamdary. Máselen, «Qurmet» ordenimen «Atyraý joldary» JShS mehanızatory Qaırat Aıtmuhambetov pen «ErLı» JShS sarapshysy Silemǵalı Smaǵulov marapattaldy. Ekeýi de biraz jyldan beri qurylys salasyn damytýǵa qosqan eleýli úles qosyp júr.
«Bul – meniń birinshi marapatym. «Atyraý joldary» JShS-da mehanızator bolyp jumys istegenime 22 jyl toldy. Biz jol salamyz. Bul iske meniń qosqan eńbegim pııaz qabyǵyndaı ǵana bolýy múmkin. Sol eńbegim baǵalandy», deıdi Qaırat Aıtmuhambetov.
Al III dárejeli «Eńbek dańqy» ordeni «BatysAlıansStroı» JShS mashınısi Rahymjan Qazıevke berildi. «TSG Construction» JShS ýchaske basshysy Baýyrjan Jumaǵalıev, «BatysStroıServıs» JShS ınjener-qurylysshysy Syrym Moldaǵalıev pen «Pavlodar ózen porty» AQ ýchaske sheberi Baýyrjan Nurǵalıev, eńbek ardageri Tólep Orynbasarov «Eren eńbegi úshin» medaline ıe boldy.
Sondaı-aq Jylyoı aýdandyq ekonomıka jáne qarjy bóliminiń bas mamany Gúljaına Dúıisova, Inder aýdanynyń ákimi Daryn Shamuratov pen oblys ákimi apparaty uıymdastyrý-ınspektorlyq bóliminiń bas mamany Marfýǵa Shapabaeva «Úzdik memlekettik qyzmetshi» atandy. Atyraý oblystyq perınataldyq ortalyǵynyń akkýsher-gınekologi Maqsat Týǵanbaevqa, ortalyq dırektorynyń orynbasary Merýert Aıdarhanovaǵa, atalǵan ortalyqtyń jansaqtaý bóliminiń meńgerýshisi Álisher Abatovqa «Densaýlyq saqtaý isiniń úzdigi» tósbelgisi berildi.
Atyraý oblysy
