Munaı salasynyń ardagerleri marapattaldy

Úkimet basshysy marapattaý rásimine qatysýshylar aldynda sóılegen sózinde Qazaqstandy álemdik energetıka naryǵyndaǵy jetekshi oıynshylar qataryna qosqan sala ardagerleri, munaıshylar, ınjenerler men ǵalymdardyń janqııarlyq eńbegi men qajyr-qaıratyna alǵysyn bildirdi.

Premer-mınıstr munaı-gaz sektoryn damytýǵa qosqan úlesi úshin Memleket basshysynyń atynan eńbegimen erekshe kózge túsken munaı-gaz kesheniniń 40 qyzmetkerine marapat tabys etti. «Parasat» ordenimen eńbek ardageri Mahash Rah­metov, munaıshy ardager Oleg Gershtanskıı, sala sarapshysy Mahambet Dosmuhambetov, «Qurmet» ordenimen munaıshy arda­gerler Tóremurat Jar­ma­ǵam­betov, Rahman Isaev, Madyhat Nurmuhanov, Naǵan­ǵalı О́teev, qubyrshy Marat Taǵanbaev, Shakımurat Shamarov, III dárejeli «Eńbek dańqy» ordenimen ardager munaıshy Keltir Shanenov, tehnolo­gııalyq kompressorlar ma­shınısi Ahmed Shadınov, «Eren eńbegi úshin» medalim­en munaıshy ardagerler Ábdi­rahman Qazıev, Qadyrhan О́tesinov, slesar-jóndeý­shi Esimbek Berdalıev, munaı jáne gaz operatory Kósher­baı О́tebaev, basqa da qyzmetkerler marapattaldy.

Oljas Bektenov elimizde «qara altynnyń» aıtarlyqtaı qory bar ekenin atap ótti. Rastalǵan munaı qory 4 mlrd tonnadan asady, bul kólemmen elimiz álemdik naryqtaǵy ma­ńyzdy oıynshylardyń birine aınalady. Munaı eksportynyń jańa baǵyttary ashyldy, onyń ishinde Kaspıı baǵyty bar. Elimiz arqyly munaı men gaz tranzıtiniń kólemi artyp keledi. Qazaqstannyń ulttyq KEBCO munaı brendi iske qosyldy, resýrstyq bazany keńeıtý, geologııalyq barlaýdyń ınvestısııalyq tar­tymdylyǵyn arttyrý, óndi­risti ulǵaıtý, jańa jobalardy iske asyrý boıynsha belsendi jumys júrgizilip jatyr.

«Memleket basshysy Qazaq­stan halqyna Joldaýynda munaı-gaz hımııasy salasyn odan ári damytý mindetterin atap ótti. Saladaǵy jetistik­terimiz munaı óndirý jáne ony tasymaldaýmen ǵana shektelmeıdi. Kómirsýtekterdi ishki óńdeý salasyn damytýǵa kóp kúsh jumsalady. Atyraý ob­lysynda polıpropılen ón­diretin zaýyttyń ashylýy­men tolyqqandy munaı-gaz hı­mııasy klasteri quryldy. Alda polıetılen jáne býtadıen shy­ǵaratyn jańa jobalar tur. Atalǵan kásiporyndar ımportty almastyrýǵa yqpal etip qana qoımaı, shaǵyn jáne orta bız­nesti damytýǵa qajetti jaǵ­daı jasaıdy. Aldaǵy jyldary jańa gaz óńdeý zaýyttary salynady. Munaı-gaz kesheni keleshekte de ekonomıkamyzdyń qozǵaýshy kúshiniń biri bolyp qala bermek. Biz salany ınnovasııalyq tehnologııalardy engizý arqyly jáne ekologııalyq qaýipsizdikti qamtamasyz ete otyryp, odan ári damytýdy kózdeımiz», dep atap ótti Oljas Bektenov.

Otandyq munaı-gaz hımııasyn damytý, polıetılen, polı­etılentereftalat jáne kar­ba­mıd óndirý jobalaryn iske asyrý ishki suranysty qanaǵat­tandyrýǵa, qosylǵan quny joǵary otandyq tehnologııa­lyq ónim eksportyn arttyrýǵa múmkindik beredi.